3 Solomoni wanguchita phanganu la nthengwa ndi Farawo fumu yaku Ijipiti. Iyu wanguto mwana munthukazi waku Farawo+ kuti waje muwolu waki ndipu wanguza nayu mu Tawuni yaku Davidi+ mpaka po wangumaliziya kuzenga nyumba yaki,+ nyumba yaku Yehova+ kweniso mpanda wa Yerusalemu.+

8 Solomoni wanguzenga so nyumba* yakuti wajengemu kuvuli kwa Holu, ndipu wanguyizenga mwakuyanana ndi Holu.* Nyumba iyi wanguyizenga mubalaza linyaki.+ Mwana munthukazi waku Farawo yo wangumuto kuti waje muwolu waki,+ wangumuzenge so nyumba yakuyanana ndi Holu yeniyi.

11 Solomoni wangutuzgamu so mwana munthukazi waku Farawo+ mu Tawuni yaku Davidi, ndipu wanguluta nayu kunyumba yo wangumuzenge,+ pakuti Solomoni wangukamba kuti: “Chinanga kuti ndi muwolu wangu, kweni iyu watenere cha kuja munyumba yaku Davidi fumu ya ku Isirayeli, chifukwa malu ngo kwaza Bokosi laku Yehova ngakupaturika.”+