4 “Luta kwaku Hilikiya+ wasembi mura, ukamukambiyi kuti wato ndalama zosi zo zituza kunyumba yaku Yehova,+ zo alonda a pakhomu ato kutuliya ku ŵanthu.+ 5 Ndalama zenizi ziperekeki ku ŵanthu wo akusankhika kuti awoneriyengi ntchitu yo yigwirika panyumba yaku Yehova, ndipu ŵanthu ŵenaŵa ndiwu aziperekengi ku ŵanthu wo agwira ntchitu munyumba yaku Yehova, wo anozga mo nyumba yeniyi yikunangika,*+ 6 kung’anamuwa ŵanthu alusu, akuzenga, kweniso akusema mya. Ndalama zenizi aguliyengi mathabwa ndipuso mya yakusema kuti anozge nyumba.+

12 Pavuli paki, fumu ndipuso Yehoyiyada aperekanga ndalama zo ku ŵanthu wo awoneriyanga ntchitu ya uteŵeti wa panyumba yaku Yehova. Yiwu alembanga ntchitu ŵanthu akucheketa mya kweniso ŵanthu alusu kuti anozgi nyumba yaku Yehova,+ ndipuso alembanga ntchitu ŵanthu wo agwiriskiyanga ntchitu visulu ndi mkuŵa kuti anozgi nyumba yaku Yehova.