34 Farawo Neko wangusankha so Eliyakimu mwana waku Yosiya kuti waje fumu mumalu mwa awisi a Yosiya, ndipu wangumusintha zina kuti waje Yehoyakimu. Kweni Neko wanguto Yehoyahazi ndipu wanguluta nayu ku Ijipiti+ ko wanguchifwiya pati pajumpha nyengu.+

11 “Pakuti ivi ndivu Yehova wakamba vakukwaskana ndi Shalumu*+ mwana waku Yosiya, fumu ya ku Yuda, yo walamuliya mumalu mwa awisi a Yosiya+ ndipuso yo watuwamu mumalu yanga kuti: ‘Iyu wazamuweriyamu so cha. 12 Pakuti wamufwiya ku ukapolu, ndipu wazakuchiwona so cha charu ichi.’+