14 “‘Kweni asani mwazindivwiya cha, asani mwazileka kusunga marangu ngosi yanga,+

16 ndazakukuchitiyani vinthu ivi: Ndazakukuchitiskani kuti muzije ndi mantha ngakulu, ndazakukulangani ndi chifuŵa chikulu kweniso kufunda muliŵavu, vo vazamuchitiska kuti masu nginu ngaleki kuwona kweniso kuti muŵevi nthazi. Mwazamupandanga mbewu kweni mwazamusuzgikiyanga paŵaka chifukwa arwani ŵinu ndiwu azamukurya vakurya vinu.+

21 Yehova wachitiskengi kuti nthenda yijaliliyi paku yimwi mpaka po wakutuzgiyanimu limu mucharu cho muluta kuchichito kuti chije chinu.+ 22 Yehova wakulangeningi ndi chifuŵa chikulu, kufunda muliŵavu,+ vakutupa, kotcha ukongwa muliŵavu, lipanga,+ chifundizi chikulu ndipuso kodikodi,+ ndipu vinthu venivi vikulondoningi mpaka po mwamaliya.