9 Solomoni wati wamaliza ŵaka kuzenga nyumba yaku Yehova, nyumba ya fumu*+ kweniso chechosi cho Solomoni wangukhumba kupanga,+ 2 Yehova wanguwoneke so kwaku Solomoni kachiŵi nge mo wangumuwoneke ku Gibiyoni.+ 3 Yehova wangumukambiya kuti: “Ini ndavwa pempheru laku ndipuso pemphu laku lakupempha lisungu lo yiwi wakamba pa masu pangu. Ndatowesa nyumba iyi yo yiwi wazenga mwakuyichitiska kuti yiziŵikengi ndi zina langu mpaka muyaya,+ ndipu masu ngangu kweniso mtima wangu vijengi pa nyumba iyi nyengu zosi.+