31 Yerobowamu wanguzenga so nyumba zakusopiyamu pamalu ngapachanya kweniso wangusankha ŵanthu bweka wo ŵenga Alevi cha kuti aje asembi.+ 32 Yerobowamu wangujalikiska so phwandu mu mwezi wa 8 pa zuŵa la 15 mu mwezi wenuwu, nge phwandu lo lachitikanga ku Yuda.+ Paguŵa la sembi lo wanguzenga ku Beteli,+ wanguperekiyapu sembi ku ŵana a ng’ombi wo wangupanga. Ku Beteli kwenuku, wangusankha so asembi kuti ateŵetiyengi pamalu ngapachanya ngo wanguzenga.