4 Yehowashi wangukambiya asembi kuti: “Toni ndalama zosi zo ŵanthu apereka kunyumba yaku Yehova nge sembi zakupaturika.+ Ndalama zenizi zije zo munthu weyosi walayizga kuti waperekengi,+ zo munthu wapereka nge msonkhu wa munthu weyosi, kweniso zo munthu weyosi wasimikiza mumtima waki kuti wapereki kunyumba yaku Yehova.+ 5 Asembi akalondi ŵija ndalama zenizi ku ŵanthu wo aperekengi,* ndipu azigwiriskiyi ntchitu pakunozga nyumba. Anozgi peposi po pakhumbika kunozgeka.”*+

29 Hezekiya+ wenga ndi vyaka 25 pa nyengu yo wangujaliya fumu, ndipu wangulamuliya kwa vyaka 29 ku Yerusalemu. Zina la anyina lenga Abiya, mwana munthukazi waku Zekariya.+

3 Mu chaka chakwamba cha ulamuliru waki, mu mwezi wakwamba, wangujula visasa va nyumba yaku Yehova ndipu wanguvinozga.+

9 Yiwu anguluta kwaku Hilikiya wasembi mura ndipu angumupaska ndalama zo ŵanthu aperekanga kunyumba yaku Chiuta, zo Alevi wo ateŵetiyanga nge alonda a pakhomu anguto ku ŵanthu a fuku laku Manasi, laku Efurayemu kweniso ku ŵanthu wosi a ku Isirayeli,+ kusazgapu so a ku Yuda, ku Benjamini ndipuso wo ajanga mu Yerusalemu. 10 Pavuli paki, angupereka ndalama zo ku ŵanthu wo angusankhika kuti awoneriyengi ntchitu yo yagwirikanga panyumba yaku Yehova. Ndipu ŵanthu wo agwiranga ntchitu panyumba yaku Yehova agwiriskiyanga ntchitu ndalama zenizi pakunozga nyumba yeniyi.