LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • 1 Mafumu 7:15-22
    Bayibolu la Charu Chifya la Malemba Ngakupaturika
    • 15 Iyu wangupanga vipilala viŵi vamkuŵa,+ ndipu chipilala chechosi chenga mamita pafufupi 8* kutuwa pasi kufika pachanya. Kweniso kuzunguliya chipilala chechosi, pakhumbikanga chingwi chakupimiya cha mamita pafufupi ngankhondi.*+ 16 Iyu wangupanga so mitu yiŵi yamkuŵa ndipu wanguyiŵika pachanya pa vipilala venivi. Mutu umoza wenga utali mamita pafufupi ngaŵi* ndipu unyaki nawu wenga utali mamita pafufupi ngaŵi. 17 Mutu wewosi wachipilala anguwutowesa ndi vilepa vakulukanalukana nge matcheni.+ Mutu umoza wenga ndi vilepa 7 ndipu unyaki nawu wenga ndi vilepa 7. 18 Wangupanga so mizeri yiŵi ya vipasu va pomegiraneti* kuzunguliya chilepa chechosi kuti wajali mitu yo yenga pachanya pa vipilala. Mitu yosi yiŵi wanguchita nayu venivi. 19 Mitu yo yenga pachanya pa vipilala vo venga pakhondi, yawonekanga nge maluŵa ndipu yenga yitali mamita pafufupi ngaŵi.* 20 Mitu iyi anguyijalika pa vipilala viŵi, pachanya pa chigaŵa chakuzunguliya cho chakwaskananga ndi vilepa, ndipu penga vipasu 200 va pomegiraneti* vo vinguŵikika mumizeri kuzunguliya mutu wewosi.+

      21 Iyu wangumika vipilala venivi pakhondi la nyumba yakusopiyamu.*+ Chipilala chimoza wanguchimika kumaryi* ndipu wanguchipaska zina lakuti Yakini,* chinyaki wanguchimika kumazge,* ndipu wanguchipaska zina lakuti Bowazi.*+ 22 Vipilala ivi vawonekanga nge luŵa pachanya. Ntchitu yakupanga vipilala yingumaliya penapa.

  • 2 Mafumu 25:17
    Bayibolu la Charu Chifya la Malemba Ngakupaturika
    • 17 Chipilala chechosi chenga chitali mamita pafufupi 8,*+ ndipu pachanya paki penga mutu wamkuŵa. Mutu wenuwu wenga utali pafufupi mita yimoza,* ndipu vilepa kweniso vipasu va pomegiraneti* vo vinguzunguliya mutu wenuwu venga vamkuŵa.+ Chipilala chachiŵi limoza ndi vilepa vaki, chayanananga ndi chipilala chakwamba.

  • 2 Mbiri 4:11-13
    Bayibolu la Charu Chifya la Malemba Ngakupaturika
    • 11 Hiramu wangupanga so vakuyole vyotu, mafosholu ndi mbali zabakuli.+

      Mwaviyo, Hiramu wangumaliza ntchitu yo wagwiriyanga Fumu Solomoni panyumba yaku Chiuta wauneneska. Iyu wangupanga:+ 12 vipilala viŵi+ kweniso mitu yiŵi yo yawonekanga nge mbali zabakuli yo yinguŵikika pachanya pa vipilala viŵi; vilepa viŵi vakulukanalukana+ vo vingubenekere mitu yiŵi yo yawonekanga nge mbali zabakuli, yo yenga pachanya pa vipilala; 13 vipasu 400 va pomegiraneti*+ vo wanguviŵika pa vilepa viŵi vakulukanalukana, pachilepa chechosi penga mizeri yiŵi ya mapomegiraneti, ndipu vipasu venivi vajalanga mitu yiŵi yo yawonekanga nge mbali zabakuli yo yenga pachanya pa vipilala;+

  • Yeremiya 52:22, 23
    Bayibolu la Charu Chifya la Malemba Ngakupaturika
    • 22 Ndipu pachanya paki penga mutu wamkuŵa. Mutu wenuwu wenga utali mamita pafufupi ngaŵi,*+ ndipu vilepa kweniso vipasu va pomegiraneti* vo vinguzunguliya mutu wenuwu venga vamkuŵa. Chipilala chachiŵi chayanananga ndi chakwamba, ndipu nachu chenga ndi vipasu va pomegiraneti. 23 Mumphepeti mwa mutu wa chipilala chechosi mwenga vipasu 96 va pomegiraneti; ndipu vipasu vosi va pomegiraneti vo venga pavilepa vo, vengapu 100.+

Mabuku nga Chitonga (1996-2025)
Tuwanipu
Sereni
  • Chitonga (Malawi)
  • Tumizani
  • Vo Mukhumba
  • Copyright © 2025 Watch Tower Bible and Tract Society of Pennsylvania
  • Fundu zo Mutenere Kulondo
  • Nkhani Yakusunga Chisisi
  • Kusintha Vinthu Vachisisi
  • JW.ORG
  • Sereni
Tumizani