3 Sonu ndati ndavwa ŵaka venivi, ndingukeruwa chakuvwala changu ndi mkhanju wangu wapanthuwa ndipuso ndingukunyuwa linyaki mwa sisi la kumutu kwangu kweniso mwembi wangu ndipu ndinguja pasi nde ndi chitima chikulu. 4 Pavuli paki, wosi wo atumbikanga* mazu ngaku Chiuta waku Isirayeli, anguza kwaku ini chifukwa chakuti ŵanthu wo ŵenga ku ukapolu anguleka kuja akugomezgeka. Pa nyengu iyi, ndinguja pasi ndipu ndenga ndi chitima chikulu mpaka pa nyengu yakupereke sembi ya mbewu yamazulu.+

3 Ndingung’anamukiya kwaku Yehova Chiuta wauneneska, ndingumuŵeyere mu pempheru limoza ndi kufunga,+ kuvwala vigudulu kweniso kujidiriya vyotu. 4 Ndingupemphera kwaku Yehova Chiuta wangu ndipu ndingusumuwa maubudi. Ndingukamba kuti:

“Yimwi Yehova Chiuta wauneneska, Chiuta mukulu kweniso wakuchitiska mantha, yo wasunga phanganu laki ndipuso yo walongo chanju chambula kumala+ ku ŵanthu wo atimuyanja ndi kusunga marangu ngaki,+ 5 tabuda, tananga, tachita vinthu viheni ndipuso tagaruka;+ ndipu tatuwaku ku marangu nginu kweniso vyeruzgu vinu.