14 Ndipu munthukazi munyaki wakusopa Chiuta yo wadanikanga kuti Lidiya, wa ku Tiyatira,+ yo wagulisanga vakuvwala vapepo, wavwisiyanga ndipu Yehova* wangujula mtima waki kuti wavwisi vo Paulo wakambanga.

11 Ŵanthu a ku Bereya ŵenga ndi maŵanaŵanu ngamampha kuluska a ku Tesalonika, pakuti yiwu angulonde mazu mwakukhumbisiska ndipuso afufuzanga Malemba mwakuphwere zuŵa lelosi kuti asimikizi asani vinthu venivi venga nadi viyo.