4 Mwaviyo, Amowabu angukambiya ŵara ŵa Amidiyani+ kuti: “Mpingu uwu umezengi malu ngidu ngosi, nge mo ng’ombi yimeze uteka mudondu.”

Pa nyengu yeniyi, Balaki mwana munthulumi waku Zipori ndiyu wenga fumu ya Amowabu. 5 Iyu wangutuma mathenga kwaku Balamu mwana munthulumi waku Beyori, ku Petori+ pafupi ndi Msinji* mucharu chaki. Iyu wanguŵatuma kuti akamudani, ndipu akamukambiyi kuti: “Awona! Kunu kwaza ŵanthu wo akutuwa ku Ijipiti. Yiwu abenekere chisku cha charu chapasi,+ ndipu aja pafupi ukongwa ndi chigaŵa changu. 6 Chondi uzi kunu kuti uzinditembe ŵanthu yaŵa,+ pakuti mbanthazi kuluska ini. Panyaki ndingaziŵathereska ndi kuŵadikisa mucharu changu, pakuti ndiziŵa umampha kuti munthu yo yiwi wamutumbika watumbikika, ndipu yo wamutemba watembeka.”