• Salimo 15:1-5
    Bayibolu la Charu Chifya la Malemba Ngakupaturika

    • 15 Yimwi Yehova, ndiyani yo wangaŵa mulendu muhema linu?

      Ndiyani yo wangaja muphiri linu lakupaturika?+

       2 Ndi mweniyo watenda kwambula kunangisa,*+

      Yo wachita cho ntchamampha+

      Kweniso walongoro uneneska mumtima mwaki.+

       3 Ndi lilimi laki, wakamba vinthu viheni cha va anyaki,+

      Munyaki watimuchitiya vinthu viheni cha,+

      Ndipu abwezi ŵaki watiŵalengesa cha.*+

       4 Iyu watinkha weyosi yo wachita vinthu vabwekabweka,+

      Kweni watumbika ŵanthu wo atopa Yehova.

      Asani walayizga,* wasintha cha chinanga kuti vinthu vo vingaŵa viheni kwaku iyu.+

       5 Ndalama zaki wakongolesa kuti wasaniriyepu zapachanya cha,+

      Ndipu wakana kulonde chinyeda pa mulandu wa munthu wambula kunanga.+

      Weyosi yo wachita vinthu venivi wazamusukunyika* cha.+

  • Salimo 84:1-4
    Bayibolu la Charu Chifya la Malemba Ngakupaturika

    • 84 Chihema chinu chikulu ntchakunozga* ukongwa,+

      Yimwi Yehova wa mizinda!

       2 Umoyu wangu wosi ukhumbira,

      Hinya ndazinduka chifukwa cha kukhumbisiska,

      Mabalaza ngaku Yehova.+

      Mtima wangu ndi mnofu wangu vidaniriziya Chiuta wamoyu mwalikondwa.

       3 Chinanga ntchiyuni chisaniya malu ngakuja kweniko

      Ndipu kaŵeruŵeru watijizenge chizimbu,

      Cho waphweriyamu ŵana ŵaki,

      Pafupi ndi guŵa linu likulu la sembi, yimwi Yehova wa mizinda,

      Fumu yangu ndipuso Chiuta wangu!

       4 Mbakukondwa ŵanthu wo aja munyumba yinu!+

      Yiwu alutirizga kukuthamikani.+ (Selah)