• Salimo 53:kamutu-6
    Bayibolu la Charu Chifya la Malemba Ngakupaturika

    • Kwaku yo walongozga sumu. Sumu iyi yimbiki mwa Mahalati.* Masikili.* Sumu yaku Davidi.

      53 Muzereza* watiti mumtima mwaki:

      “Kulivi Yehova.”+

      Ntchitu zawu zambula urunji zachinyengu kweniso zaukazuzi;

      Palivi yo wachita vamampha.+

       2 Kweni Chiuta walereska ŵana a ŵanthu pacharu chapasi kutuliya kuchanya,+

      Kuti wawoni asani walipu munthu wakuziŵa vinthu pamwenga yo wapenja Yehova.+

       3 Wosi apetuka;

      Wosi ayanana ŵaka ndipu mbachinyengu.

      Palivi yo wachita chamampha,

      Chinanga njumoza.+

       4 Pa ŵanthu wo achita viheni, kumbi palivi chinanga njumoza yo wavwisa?

      Yiwu ameza ŵanthu ŵangu nge kuti aturya chakurya.

      Adaniya paku Yehova cha.+

       5 Kweni achitengi mantha ngakulu,

      Mantha ngo ngechendaŵakopu,*

      Pakuti Chiuta waparanyengi viwanga va ŵanthu wo atikuyukiya.*

      Yiwi uŵachitiskengi soni, pakuti Yehova waŵakana.

       6 Hate! Mphanyi utaski waku Isirayeli ungutuliya ku Ziyoni!+

      Asani Yehova wawunganisa so ŵanthu ŵaki kutuwa ku ukapolu,

      Yakobe wakondwi, ndipu Isirayeli wasekere.

  • Aroma 3:10-12
    Bayibolu la Charu Chifya la Malemba Ngakupaturika

    • 10 nge mo vikulembeke kuti: “Palivi munthu murunji chinanga njumoza,+ 11 palivi munthu weyosi wakuziŵa vinthu, kweniso palivi munthu weyosi yo wapenjapenja Chiuta. 12 Ŵanthu wosi apetuka, ŵanthu wosi aja abwekabweka, palivi munthu yo walongo lisungu, palivi chinanga njumoza.”+