17 Pa nyengu yo Abramu wenga ndi vyaka 99, Yehova wangumuwoneke ndipu wangumukambiya kuti: “Ndini Chiuta Wanthazizosi. Yenda pa masu pangu ndipu ulongo kuti ndiwi wambula kalema.* 2 Ndifiskengi phanganu langu lo le pakati paku ini ndi yiwi,+ ndipu ndikuyandanisengi ukongwa.”+

15 Ndipu mungelu waku Yehova wangudana Abrahamu kachiŵi kutuliya kuchanya, 16 ndipu wangukamba kuti: “Yehova watiti, ‘Ndilapizga pa zina langu,+ kuti pakuti wachita venivi ndipu wandinola cha mwana waku yumoza pe,+ 17 ndazakukutumbika nadi ndipuso ndazamuyandanisa mphapu* yaku nge nyenyezi zakuchanya kweniso nge mchenga wa mumphepeti mwa nyanja,+ ndipu mphapu* yaku yazamuto matawuni nga* arwani ŵaki.+ 18 Ndipu kuporote mu mphapu* yaku+ mitundu yosi pacharu chapasi yazakujisaniriya vitumbiku chifukwa chakuti wavwiya mazu ngangu.’”+