18 Melekizedeki+ fumu ya ku Salemu+ yinguza ndi chiŵandi ndipuso vinyu. Iyu wenga wasembi waku Chiuta Wapachanya Limu.+

5 Mwakuyanana ŵaka, Khristu wangujikankhuska yija cha+ mwakuja wasembi mura, kweni wangukankhuskika ndi Mweniyo wangumukambiya kuti: “Yiwi ndiwi mwana wangu; msanawale ndaja wusu.”+ 6 Nge mo wakambiya so pamalu panyaki kuti, “Ndiwi wasembi kwamuyaya nge mo venge ndi Melekizedeki.”+

19 Te ndi chilindizga chenichi+ nge ndondowa ya umoyu widu. Ntchakusimikizika kweniso ntchakukho, ndipu chititisereza mukati kujumpha ketani,+ 20 mo Yesu yo we panthazi pidu wakusere mumalu mwaku isi.+ Iyu waja wasembi mura kwamuyaya nge mo vinguŵiya ndi Melekizedeki.+

3 Iyu wengavi awisi, wengavi anyina, wengavi mkoka, wengavi chiyambi cha mazuŵa pamwenga umaliru wa umoyu, kweni pakuti wangupangika nge Mwana waku Chiuta, walutirizga kuŵa wasembi mpaka muyaya.+

11 Asani munthu waŵanga wakufikapu chifukwa cha udindu wakuŵa wasembi, wo Alevi ŵenga nawu+ (pakuti wenga chigaŵa cha Dangu* lo linguperekeka ku ŵanthu), kumbi patingi pakhumbikengi so kuti paŵi wasembi munyaki yo wakambika kuti waŵengepu nge mo vinguŵiya ndi Aroni cha, kweni nge mo vinguŵiya ndi Melekizedeki?+