20 Nyengu yeniyo, Mozesi ndi Aroni anguchita nge mo Yehova wanguŵalamuliya. Aroni wangusoska nthonga yaki ndi kupuma maji nga mu Msinji wa Nayelu pa masu paku Farawo ndi ateŵeti ŵaki ndipu maji ngosi nga mu Msinji wa Nayelu ngangusambuka ndopa.+

6 Mwaviyo, Aroni wangutambasuliya janja laki pamaji nga mucharu cha Ijipiti, amuchuwa angwamba kutuwa ndipu anguzaza mucharu cho.

17 Yiwu anguchita nadi venivi. Aroni wangutambasuwa janja laki kweniso nthonga yaki ndi kupuma fuvu la pacharu chapasi, ndipu nyezi zakuluma zinguwumbiliya ŵanthu ndipuso nyama. Fuvu losi lapacharu chapasi lingusambuka nyezi zakuluma mucharu chosi cha Ijipiti.+

6 Yehova wanguchita venivi zuŵa lamawa laki, ndipu viŵetu vosi va Ayijipiti vingwamba kufwa+ kweni viŵetu va Ayisirayeli vafwanga cha.

10 Mwaviyo anguto mwayi wa mu uvunu ndipu anguma pa masu paku Farawo. Mozesi wangutchupusiya mwayi wo muchanya. Mwayi wo, unguyambisa vitufya pa ŵanthu ndi nyama ndipu vingutuluka.

23 Sonu Mozesi wangutambasuliya nthonga yaki kuchanya, ndipu Yehova wangutumiza malimphezi ndi matalala, ndipu motu* unguwa pacharu chapasi. Yehova wangulutirizga kuwisa vuwa ya matalala mucharu cha Ijipiti.

12 Sonu Yehova wangukambiya Mozesi kuti: “Tambasuliya janja laku pacharu cha Ijipiti, kuti azombi azi pacharu cha Ijipiti ndi kurya vakume vosi va mucharu cho, vakume vosi vo vinguleka kunangika ndi matalala.”

21 Pavuli paki, Yehova wangukambiya Mozesi kuti: “Tambasuliya janja laku kuchanya kuti mucharu cha Ijipiti muŵi mdima, mdima ukulu ukongwa wakuti bii.”