6 “Sonu yanga ndi marangu, fundu ndipuso vyeruzgu vo Yehova Chiuta winu wandipaska kuti ndikusambizeni, ndi chilatu chakuti muzivisungengi asani mwaziyambukiya mucharu cho mwamuto kuti chije chinu, 2 kuti muwopengi Yehova Chiuta winu ndi kusunga marangu ngaki ngosi kweniso ulongozgi waki wo nditikupaskani, yimwi, ŵana ŵinu ndi azuku ŵinu,+ mu mazuŵa ngosi nga umoyu winu, kuti muje ndi umoyu utali.+

19 Msanawale ndito kuchanya ndi charu chapasi kuja akaboni kuti ndaŵika umoyu ndi nyifwa pa masu paku, thumbiku ndi thembu;+ ndipu sankha umoyu kuti uje ndi umoyu,+ yiwi ndi ŵana ŵaku,+ 20 mwa kwanja Yehova Chiuta waku,+ kuvwiya mazu ngaki ndi kumudemetere,+ pakuti iyu ndiyu umoyu waku ndipuso ndiyu wakuwovyengi kuti uje ndi umoyu utali mucharu cho Yehova wakulapizga kuti wachiperekengi kwa apapi ŵaku akali, Abrahamu, Isaki ndi Yakobe.”+

10 Pakuti “yo watanja umoyu ndipu wakhumba kuwona mazuŵa ngamampha, watenere kuvikiliya lilimi laki ku uheni+ ndipuso milomu yaki kuti yileki kukamba boza. 11 Iyu watuweku ku chinthu chiheni+ ndipu wachiti cho ntchamampha,+ wapenji chimangu ndipu wachilondo.+ 12 Pakuti masu ngaku Yehova* nge pa ŵanthu arunji ndipu makutu ngaki ngatuvwa kuŵeyere kwawu,+ kweni chisku chaku Yehova* chisuskana ndi wosi wo achita vinthu viheni.”+