7 Solomoni wenga ndi alongozgi 12 wo awoneriyanga Ayisirayeli wosi. Alongozgi ŵenaŵa ndiwu aperekanga chakurya kwa fumu ndi ku ŵanthu a munyumba yaki. Mulongozgi weyosi waperekanga chakurya kwa mwezi umoza pa chaka.+

22 Chakurya cho Solomoni waryanga pa zuŵa chenga ufwa wakusilirika wakukwana makori* 30, ufwa unyaki wakukwana makori 60, 23 ng’ombi 10 zakututuŵa zo aziliskiyanga mukhola, ng’ombi 20 zo alutanga nazu kubwalu kuchiziliska kweniso mbereri 100. Pajanga so mphoyu zinthulumi, mbaŵa, nyisa kweniso njiŵa zakututuŵa.

4 Fumukazi ya ku Sheba yati yawona zeru zosi zaku Solomoni,+ nyumba yo wanguzenga,+ 5 chakurya cha pathebulu laki,+ mo ateŵeti ŵaki ajaliyanga pa nyengu yachakurya, mo akupereka chakurya aŵikiyanga vinthu pathebulu ndipuso vakuvwala vawu, akupereka vakumwa kweniso sembi zaki zakupiriza zo waperekanga kaŵikaŵi pa nyumba yaku Yehova, yengavi mazu.*

21 Viyaŵi vosi vakumwiyamu va Fumu Solomoni venga vagolidi, kweniso viyaŵi vosi va mu Nyumba ya Lisuwa la Lebanoni+ venga vagolidi chayiyu. Pengavi chiyaŵi chasiliva, chifukwa mu mazuŵa ngaku Solomoni, siliva amuwonanga kuti nkhanthu cha.+