• Yesaya 41:7
    Bayibolu la Charu Chifya la Malemba Ngakupaturika

    •  7 Mwaviyo, munthu walusu wakhwimisa wakusula visulu;+

      Munthu yo wanyolo visulu ndi nyundu yakusuliya

      Wakhwimisa munthu yo wasula visulu pachakusuliyapu.

      Iyu wakamba vakukwaskana ndi kuwotchere visulu kuti: “Ve umampha.”

      Pavuli paki, chinthu cho wapanga watichikhoma ndi mizumali kuti chileki kuwa.

  • Yesaya 46:6, 7
    Bayibolu la Charu Chifya la Malemba Ngakupaturika

    •  6 Pe ŵanthu anyaki wo asakaza golidi wa muvikwama vawu;

      Yiwu apima siliva pasikelu.

      Alembera munthu wakusula visulu, ndipu wapanga chiuta ndi siliva yo.+

      Pavuli paki yiwu asindama mpaka visku vawu pasi, ndipu atimusopa.+

       7 Yiwu atimunyamuliya pamapewa ngawu;+

      Atimupinga ndi kumuŵika pamalu ngaki ndipu waja penipo.

      Watuwapu cha pamalu ngaki.+

      Atimuliriya kweni wamuka cha;

      Wangataska munthu weyosi cha mu masuzgu.+