“Zani, tiyeni tikwere ku phiri laku Yehova,

Kunyumba yaku Chiuta waku Yakobe.+

Iyu wakutisambiza nthowa zaki,

Ndipu isi tamukwenda mu nthowa zaki.”+

Pakuti dangu lazamutuwa* mu Ziyoni,

Ndipuso mazu ngaku Yehova ngazamutuwa mu Yerusalemu.+

 4 Iyu wazamuyeruzga mitundu ya ŵanthu

Ndipu wazamunyoloska* vinthu vakukwaskana ndi mitundu yinandi ya ŵanthu.

Yiwu azamusula malipanga ngawu kuti ngaje mayembi nga pulawu

Ndipuso azamusula mikondu yawu kuti yije vidya vakuphatiya vimiti.+

Mtundu wazamunyamuwa lipanga cha kuti uyukiyi mtundu unyaki,

Ndipu ŵanthu azamusambira so nkhondu cha.+

 6 Mphumphi ndi mwana wa mbereri vazamuja pamoza kwa kanyengu,+

Ndipu mwana wa mbuzi wazamugona pasi limoza ndi nyalubwi,

Tholi,* nkharamu ndipuso nyama yakututuŵa vazamuja pamoza;*+

Ndipu kamnyamata kazakuvilongozga.

 7 Ng’ombi ndi chinyama cha biyere, vazamuryiya limoza,

Ndipu ŵana ŵawu azamugona pamoza.

 8 Mwana wakonkha wazamuseŵe pazenji la khakhu,

Ndipu mwana wakulumulika wazamuŵika janja laki pamphaku ya njoka yapoyizoni.

 9 Vazamupwetekana cha+

Pamwenga kusakazana muphiri langu losi lakupaturika,+

Chifukwa charu chapasi chazamuzaza ndi kuziŵa Yehova

Nge mo maji ngazaziya nyanja.+

“Zani, tiyeni tikwere ku phiri laku Yehova

Kweniso kunyumba yaku Chiuta waku Yakobe.+

Iyu wakutisambiza nthowa zaki,

Ndipu isi tamukwenda mu nthowa zaki.”

Pakuti dangu lazamutuwa* mu Ziyoni,

Ndipuso mazu ngaku Yehova ngazamutuwa mu Yerusalemu.