14 Mwaviyo, Yehova mweneku wakupaskeningi chisimikizu ichi: Awonani! Mwali wamengi nthumbu ndipu wabalengi mwana munthulumi.+ Iyu wazakumudana zina lakuti Emanuwelu.*+

16 Pakuti mwana yo wechendaziŵi mo wangakaniya chiheni ndi kusankha chamampha, charu cha mafumu ngaŵi cho utopa, chazamujowoleke limu.+

3 Pavuli paki, ndingugona* ndi mchimi munthukazi* ndipu wangume nthumbu. Pati pajumpha nyengu wangubala mwana munthulumi.+ Ndipu Yehova wangundikambiya kuti: “Umudani zina lakuti Mahere-shalala-hashi-bazi, 4 pakuti mwana yo wechendaziŵi kudana kuti, ‘Ada!’ ndipuso kuti, ‘Ama!’ ŵanthu azamuto vinthu va ku Damasiko kweniso vinthu vo vazamuphangika ku Samariya ndipu azamuluta navu pa masu pa fumu ya ku Asiriya.”+