Mowabu wakunkhuluka mumawukuzi ngaki,

Ndipu iyu wasambuka chinthu chakunyozeka.

29 “Tavwa va kunyada kwaku Mowabu, iyu ngwakujikuzga ukongwa,

Tavwa va kujiŵikamu kwaki, kunyada kwaki, kujikuzga kwaki kweniso kujikweza kwa mtima waki.”+

 9 Yehova wa mizinda, Chiuta waku Isirayeli wakamba kuti: “Nge mo ini ndiliri wamoyu,

Mowabu wazamukuŵa nge Sodomu,+

Ndipu Aamoni azamukuŵa nge Gomora,+

Malu nga vakume vakunyenye, zenji la mche kweniso malu ngakunangikiya limu.+

Ŵanthu ŵangu akujaku azakuŵaphanga vinthu vawu,

Ndipu ŵanthu akujaku amtundu wangu azakuŵalonda vinthu vawu.

10 Venivi ndivu vazakuŵachitikiya chifukwa cha kujikuzga kwawu,+

Pakuti yiwu angunyoza ŵanthu aku Yehova wa mizinda kweniso angujikuzga pa masu pawu.