• Yesaya 6:11, 12
    Bayibolu la Charu Chifya la Malemba Ngakupaturika

    • 11 Ndati ndavwa venivi, ndingufumba kuti: “Mpaka zuŵanji, yimwi Yehova?” Pavuli paki, iyu wangukamba kuti:

      “Mpaka po matawuni ngabwangandulikiya ndi kuja mahami ngambula ŵanthu

      Ndipuso mpaka po nyumba zajaliya zambula ŵanthu

      Kweniso mpaka po charu chanangikiya ndi kuja mahami.+

      12 Mpaka po Yehova wadikisiya ŵanthu kutali+

      Ndipuso mpaka po chigaŵa chikulu cha charu cho, chajaliya chipalamba.

  • Yeremiya 26:18
    Bayibolu la Charu Chifya la Malemba Ngakupaturika

    • 18 “Mika+ wa ku Moresheti wakambanga mauchimi mu mazuŵa nga Fumu Hezekiya+ ya ku Yuda, ndipu wangukambiya ŵanthu wosi a ku Yuda kuti, ‘Yehova wa mizinda wakamba kuti:

      “Ziyoni wazamulimika nge munda,

      Yerusalemu wazamusambuka ndundu za mahami,+

      Ndipu phiri la Nyumba* lazamukuŵa nge malu ngapachanya nga mulisuwa.”’+

  • Ezekiyeli 36:4
    Bayibolu la Charu Chifya la Malemba Ngakupaturika

    • 4 mwaviyo, yimwi mapiri nga ku Isirayeli, vwani mazu ngaku Yehova, Ambuya Fumu Yikulu! Yehova, Ambuya Fumu Yikulu walongoro ndi mapiri, mitunthu, misinji, madambu, malu ngo ngakunangika ndi kusambuka mahami,+ kweniso matawuni ngakujowoleka ngo vinthu vaki vaphangika ndipuso ngo nganyozeka ndi ŵanthu akujaku a mitundu yo yaŵazunguliya;+