-
2 Mafumu 19:22-24Bayibolu la Charu Chifya la Malemba Ngakupaturika
-
-
22 Ndiyani yo wamunena ndipuso kumunyoza?+
Ndiyani yo yiwi wamulongolore mwakudaniriza+
Ndipuso ndiyani yo yiwi wamuyunuskiya masu ngaku ngakujikuzga?
Wachitiya Mtuŵa waku Isirayeli!+
23 Kuziya mwa ŵanthu wo watuma,+ wanyoza Yehova+ ndi kukamba kuti,
‘Mwakugwiriskiya ntchitu wumba wa magaleta ngangu ngankhondu,
Ndikwerengi mapiri ngatali,
Mpaka kuvigaŵa vakutali ukongwa va ku Lebanoni.
Ndidumuwengi vimiti vaki vitalivitali va sidara,* kweniso vimiti vaki vamampha va junipa.
Ndiserengi muthundu laki la kutali, ndipuso mulisuwa laki lakukho* ukongwa.
24 Ndikumbengi visimi ndi kumwa maji ngachilendu;
Ndiphwisengi timisinji tosi ta* ku Ijipiti ndi maphazi ngangu.’
-
-
Yesaya 10:20Bayibolu la Charu Chifya la Malemba Ngakupaturika
-
-
20 Mu zuŵa lo, ŵanthu akujaku aku Isirayeli
Ndipuso ŵanthu akupona a munyumba yaku Yakobe
Azamuleka kuthemba munthu yo wanguŵapweteka;+
Kweni azamuthemba Yehova,
Mtuŵa waku Isirayeli, ndi mtima wosi.
-