22 Yosiya+ wenga ndi vyaka 8 pa nyengu yo wangujaliya fumu, ndipu wangulamuliya kwa vyaka 31 ku Yerusalemu.+ Zina la anyina lenga Yedida, mwana munthukazi waku Adaya wa ku Bozikati.+ 2 Iyu wanguchita cho ntchakwenere pa masu paku Yehova, ndipuso wangwenda mu nthowa zosi zaku Davidi mpapi waki wakali.+ Yosiya wangupetukiya kumaryi cha pamwenga kumazge.

23 Kweni mu chaka cha 18 cha ulamuliru wa Fumu Yosiya, anguchitiya Yehova Pasika mwenuyu ku Yerusalemu.

25 Pengavi fumu yo yinguyanana nayu pa mafumu ngosi ngo ngengaku iyu wechendaje fumu, yo yinguwere kwaku Yehova ndi mtima waki wosi, umoyu waki wosi+ kweniso nthazi zaki zosi, mwakukoliyana ndi Dangu losi laku Mozesi. Kweniso iyu wati wafwa, pengavi fumu yo yinguyanana nayu.