39 Mwaviyo, Eliyazara wasembi wanguto vakupaliyapu motu vamkuŵa vo vinguza ndi ŵanthu wo anguwotcheka ndi motu, ndipu wanguvisula ndi kuvibatika kuguŵa la sembi, 40 nge mo Yehova wangumukambiya kuziya mwaku Mozesi. Chenga chikumbusu kwa Ayisirayeli kuti munthu wambula kuzomerezeka,* yo ndi mphapu yaku Aroni cha, wanganderenga cha pafupi kuti wawotchi vakununkhira pa masu paku Yehova+ kweniso kuti paŵevi munthu yo watenere kuchita vinthu nge Kora kweniso ŵanthu wo angukoliyana nayu.+

15 “‘Kweni asembi wo mbalevi, ŵana anthulumi aku Zadoki,+ wo aphweriyanga ntchitu za mumalu ngangu ngakupaturika pa nyengu yo Ayisirayeli angundileka,+ azamundere kwaku ini kuti anditeŵete ndipu yiwu azamukuma pa masu pangu kuti andipaski mafuta+ kweniso ndopa,’+ Yehova, Ambuya Fumu Yikulu ndiyu wakamba. 16 ‘Yiwu ndiwu azamusere mumalu ngangu ngakupaturika kweniso azamundere ku thebulu langu kuti anditeŵete,+ ndipu azakunditeŵete.+