5 ‘Ini ndini ndikupanga charu chapasi, ŵanthu ndi vinyama va pacharu chapasi mwakugwiriskiya ntchitu nthazi zangu zikulu kweniso janja langu lakutambasuka; ndipu charu cho, nditichipereka kwaku weyosi yo ndakhumba.*+

26 Yehova, Ambuya Fumu Yikulu wakamba kuti: ‘Zuwa mphumphu kweniso zuwa chisoti chaufumu.+ Vinthu vijengi viyo pe cha.+ Kweza munthu wakusika+ ndipuso sisa munthu wakukwezeka.+ 27 Ndibwanganduwengi, ndibwanganduwengi, ndibwanganduwengi ufumu. Chisoti cha ufumu chiperekekengi kwaku weyosi cha mpaka po munthu yo ngwakwenere mwadangu waziya,+ ndipu ndazakuchipereka kwaku iyu.’+

13 “Ndingulutirizga kuwona viwona ndi usiku, ndipu ndinguwona munthu munyaki yo wawonekanga nge mwana wa munthu+ wachiza ndi mitambu yakuchanya; iyu wanguzomerezeka kuluta kwa Wamazuŵa Nganandi,+ ndipu anguluta nayu pafupi, panthazi paki. 14 Iyu wangupaskika ulamuliru,+ ulemu+ kweniso ufumu, kuti ŵanthu, mitundu, kweniso ŵanthu a vineneru vosi amuteŵetiyengi.+ Ulamuliru waki ndi ulamuliru wamuyaya, wo wazamumala cha, ndipu ufumu waki wazamubwangandulika cha.+

32 Iyu wazamuja wakuzirwa+ ndipu wazamudanika kuti Mwana wa Wapachanya Limu.+ Yehova* Chiuta wazakumupaska mpandu waufumu wa awisi a Davidi.+ 33 Iyu wazamulamuliya nge Fumu kwamuyaya panyumba yaku Yakobe, ndipu Ufumu waki wazamumala cha.”+