4 Wakumemeza wangudaniriza kuti: “Yimwi ŵanthu akupambanapambana, amitundu yakupambanapambana ndipuso a vineneru vakupambanapambana, mulamulika, 5 kuti asani mwavwa kuliya kwa mbata,* fyoliru, bangu* wa makona ngatatu, vakumbiya va vingwi, fyoliru wathumba ndipuso vakumbiya vinyaki vosi, mujikami ndi kusindama mpaka visku vinu pasi ndipu musopi chikozgu chagolidi cho Fumu Nebukadinezara yamika. 6 Munthu weyosi yo walekengi kujikama ndi kusindama kweniso kusopa chikozgu ichi, nyengu yeniyo waponyekengi mung’anju ya motu.”+