LAYIBULARE YA PA INTANETI

LAYIBULARE YA PA INTANETI

LAYIBULARE YA PA INTANETI

Chitonga (Malawi)

Salimo 22:27

Bayibolu la Charu Chifya la Malemba Ngakupaturika
- 27 Vigoti vosi va charu vazamukumbuka ndi kuwere kwaku Yehova.
  
  Mabanja ngosi nga mitundu ya ŵanthu ngazakukugwadiyani.+

Yesaya 2:2, 3

Bayibolu la Charu Chifya la Malemba Ngakupaturika
- 2 Mu mazuŵa ngakumaliya,
  Phiri la nyumba yaku Yehova
  Lazamujalikiskika pachanya pa mapiri,+
  Ndipuso lazamukwezeka pachanya pa mitunthu,
  Ndipu mitundu yosi ya ŵanthu yazamundonde kweniko.+
  
  3 Ŵanthu akutuliya mu mitundu yakupambanapambana azamuluta kweniko ndi kukamba kuti:
  
  “Zani, tiyeni tikwere ku phiri laku Yehova,
  Kunyumba yaku Chiuta waku Yakobe.+
  
  Iyu wakutisambiza nthowa zaki,
  Ndipu isi tamukwenda mu nthowa zaki.”+
  
  Pakuti dangu lazamutuwa* mu Ziyoni,
  Ndipuso mazu ngaku Yehova ngazamutuwa mu Yerusalemu.+

Yesaya 11:10

Bayibolu la Charu Chifya la Malemba Ngakupaturika
- 10 Mu zuŵa lo, msisi waku Jese+ wazamukuma nge chiziŵisu* ku mitundu ya ŵanthu.+
  
  Mitundu ya ŵanthu yazamung’anamukiya kwaku iyu kuti yilonde ulongozgi,*+
  Ndipu malu ngaki ngakupumuliyaku ngazamuja ngaunkhankhu.

Yesaya 55:5

Bayibolu la Charu Chifya la Malemba Ngakupaturika
- 5 Awona! Yiwi wazamudana mtundu wo utiwuziŵa cha,
  Ndipu ŵanthu a mtundu wo uleka kukuziŵa, azamutchimbiriya kwaku yiwi
  Chifukwa chaku Yehova Chiuta waku,+ Mtuŵa waku Isirayeli,
  Pakuti iyu wazakukukankhuska.+

Yesaya 60:3

Bayibolu la Charu Chifya la Malemba Ngakupaturika
- 3 Mitundu ya ŵanthu yazamuluta ku ukweru waku+
  Ndipu mafumu+ ngazamuluta ku unkhankhu waku wakuŵala.+

Hoseya 1:10

Bayibolu la Charu Chifya la Malemba Ngakupaturika
- 10 “Ndipu Ayisirayeli azamuja anandi nge mchenga wa kunyanja, wo ungapimika cha pamwenga kuŵerengeka.+ Pamalu ngo ndinguŵakambiya kuti, ‘Ndimwi ŵanthu ŵangu cha,’+ ndazakuŵakambiya kuti, ‘Ndimwi ŵana aku Chiuta wamoyu.’+

Mika 4:2

Bayibolu la Charu Chifya la Malemba Ngakupaturika
- 2 Ŵanthu akutuliya mu mitundu yakupambanapambana azamuluta kweniko ndi kukamba kuti:
  
  “Zani, tiyeni tikwere ku phiri laku Yehova
  Kweniso kunyumba yaku Chiuta waku Yakobe.+
  
  Iyu wakutisambiza nthowa zaki,
  Ndipu isi tamukwenda mu nthowa zaki.”
  
  Pakuti dangu lazamutuwa* mu Ziyoni,
  Ndipuso mazu ngaku Yehova ngazamutuwa mu Yerusalemu.

Hagayi 2:7

Bayibolu la Charu Chifya la Malemba Ngakupaturika
- 7 “‘Ndisukunyisengi mitundu yosi ya ŵanthu ndipu vinthu vakuzirwa vakutuliya mu mitundu yosi vizengi munyumba iyi;+ ndipu ndichitiskengi kuti yizazi ndi unkhankhu,’+ Yehova wa mizinda ndiyu wakamba.