12 Ndipu nyengu yeniyo mzimu ungumuchitiska kuti waluti kuchipululu. 13 Sonu iyu wanguja muchipululu kwa mazuŵa 40, wachiyeseka ndi Satana.+ Kweniko kwenga so vinyama vamudondu, kweni angelu amuteŵetiyanga.+

4 Sonu Yesu wati wazazika ndi mzimu wakupaturika, wangutuwaku ku Yorodani, ndipu mzimu ungumulongozge uku ndi uku muchipululu+ 2 kwa mazuŵa 40, wachiyeseka ndi Dyaboli.+ Mu mazuŵa ngeningo wangurya kanthu cha, ndipu mazuŵa ngo ngati ngamala, wanguvwa nja. 3 Sonu Dyaboli wangumukambiya kuti: “Asani ndiwi mwana waku Chiuta, kambiya mwa uwu kuti usambuki chiŵandi.” 4 Kweni Yesu wangumumuka kuti: “Malemba ngakamba kuti: ‘Munthu wangaja ndi umoyu ndi chiŵandi pe cha.’”+