12 Yesu wangusere munyumba yakusopiyamu, ndipu wangudikisa ŵanthu wo agulisanga ndipuso wo agulanga vinthu munyumba yakusopiyamu, wangugudubuwa mathebulu nga akusintha ndalama kweniso mipandu ya akugulisa nkhunda.+

45 Pavuli paki, Yesu wangusere munyumba yakusopiyamu ndipu wangwamba kudikisa ŵanthu wo agulisanga vinthu.+ 46 Iyu wanguŵakambiya kuti: “Malemba ngatiti, ‘Nyumba yangu yazamuja nyumba yakupempheriyamu,’+ kweni yimwi mwayisambusa mphanji ya ankhungu.”+

14 Iyu wangusaniya kuti ŵanthu wo agulisanga ng’ombi, mbereri, nkhunda+ kweniso akusintha ndalama aja mumipandu yawu munyumba yakusopiyamu. 15 Sonu wangupanga likhwechu la vingwi, pavuli paki wangudikisa ŵanthu wosi wo ŵenga ndi mbereri kweniso ng’ombi munyumba yakusopiyamu. Ndipu wangudira so ndalama za ŵanthu akusintha ndalama ndi kugudubuwa mathebulu ngawu.+ 16 Ndipu wangukambiya ŵanthu wo agulisanga nkhunda kuti: “Tuzganimu ivi munu! Nyumba ya Ada lekani kuyisambusa nyumba yakuchitiyamu malonda!”*+