10 Pavuli paki, wachirya chakurya* munyumba, akusonkhesa msonkhu anandi ndi akubuda angwamba kuryiya* limoza ndi Yesu kweniso akusambira ŵaki.+ 11 Kweni Afarisi ŵati awona venivi, angukambiya akusambira ŵaki kuti: “Ntchifukwa wuli msambizi winu waryiya limoza ndi ŵanthu akusonkhesa msonkhu kweniso akubuda?”+

15 Pavuli paki, Yesu wachirya chakurya* munyumba yaku Levi, akusonkhesa msonkhu anandi ndi akubuda aryiyanga* limoza ndi Yesu kweniso akusambira ŵaki, chifukwa anandi mwaku yiwu amulondonga.+ 16 Kweni alembi wo ŵenga Afarisi ŵati awona kuti waryiya limoza ndi ŵanthu akubuda kweniso akusonkhesa msonkhu, angwamba kukambiya akusambira ŵaki kuti: “Ntchifukwa wuli waturya ndi ŵanthu akusonkhesa msonkhu kweniso akubuda?”

29 Sonu Levi wangunozge Yesu phwandu likulu munyumba yaki ndipu mwenga so akusonkhesa msonkhu anandi kweniso ŵanthu anyaki wo aryanga nawu.*+ 30 Ŵati avwa ivi, Afarisi ndi alembi angwamba kudandawuliya akusambira ŵaki kuti: “Ntchifukwa wuli muturya kweniso mutumwa ndi ŵanthu akusonkhesa msonkhu ndipuso akubuda?”+

15 Mazu ngakuti, Khristu Yesu wanguza pacharu chapasi kuzitaska ŵanthu akubuda, ngakugomezgeka ndipuso ngakwenere kungalonde ndi mtima wosi. Pa ŵanthu akubuda ŵenaŵa,+ ini ndini nde wakubuda ukongwa.+