• Dotoronome 12:5, 6
    Bayibolu la Charu Chifya la Malemba Ngakupaturika

    • 5 Kweni mukapenjengi Yehova Chiuta winu pamalu ngengosi ngo wasankha kuŵikapu zina laki ndipuso pamalu ngo waja, pakati pa mafuku nginu, ndipu kweniko ndiku mukalutengi.+ 6 Kweniko ndiku mukalutengi ndi sembi zinu zakupiriza,+ sembi zinu zinyaki, vatchumi vinu,+ vakupereka vakutuliya mujanja linu,+ sembi zinu zakulapizga, sembi zo mupereka mwakukhumba mwija+ ndipuso viŵetu vakwamba kuwaku pa ng’ombi zinu kweniso pa mbereri zinu.+

  • 1 Mafumu 9:3
    Bayibolu la Charu Chifya la Malemba Ngakupaturika

    • 3 Yehova wangumukambiya kuti: “Ini ndavwa pempheru laku ndipuso pemphu laku lakupempha lisungu lo yiwi wakamba pa masu pangu. Ndatowesa nyumba iyi yo yiwi wazenga mwakuyichitiska kuti yiziŵikengi ndi zina langu mpaka muyaya,+ ndipu masu ngangu kweniso mtima wangu vijengi pa nyumba iyi nyengu zosi.+

  • Salimo 122:kamutu-9
    Bayibolu la Charu Chifya la Malemba Ngakupaturika

    • Sumu Yakukwere ku Tawuni. Sumu yaku Davidi.

      122 Ndingukondwa ukongwa po angundikambiya kuti:

      “Tiyeni tiluti kunyumba yaku Yehova.”+

       2 Ndipu sonu maphazi ngidu ngama

      Mumageti ngaku, yiwi Yerusalemu.+

       3 Yerusalemu wakuzengeka nge tawuni

      Yo yikulumikizana pamoza nge chinthu chimoza.+

       4 Mafuku ngakwere kweniko,

      Mafuku ngaku Ya,*

      Mwakukoliyana ndi vikumbusu vo vikuperekeka kwaku Isirayeli,

      Kuti wawongengi zina laku Yehova.+

       5 Pakuti mipandu yakuyeruzgiyapu milandu yikujalikiskika kweniko,+

      Mipandu yaufumu ya nyumba yaku Davidi.+

       6 Pemphani kuti Yerusalemu waje ndi chimangu.+

      Yiwi tawuni, ŵanthu wo atikuyanja ajengi mwakuvikilirika.

       7 Chimangu chilutiriyi muvimbumira vaku,*

      Kweniso mutinyumba taku takuthopoka takukho.

       8 Chifukwa cha abali ŵangu kweniso abwezi ŵangu, ndikambengi kuti:

      “Mukati mwaku muje chimangu.”

       9 Chifukwa cha nyumba yaku Yehova Chiuta widu,+

      Ndikukhumbiyengi vamampha.