32 Yiwu pamwenga achiuta ŵawu ungachitanga nawu phanganu cha.+ 33 Angajanga mucharu chaku cha kuti aleki kuzikuchitiska kuti undibudiyi. Asani wazamuteŵete achiuta ŵawu, chazamuja chiŵana kwaku yiwi.”+

3 Ungazichitanga nawu cha phanganu la nthengwa lelosi.* Ungaziperekanga cha ŵana ŵaku anthukazi ku ŵana ŵawu anthulumi pamwenga kuto ŵana ŵawu anthukazi kuti azije awolu ŵa ŵana ŵaku anthulumi.+ 4 Pakuti azamupatuska ŵana ŵaku anthulumi kuti azileki kundilondo ndipu azamukwamba kuteŵete achiuta anyaki;+ venivi vazamuchitiska kuti ukali waku Yehova ukole paku yiwi ndipu wazakukubaya mwaliŵi.+

4 Solomoni wati wakota,+ awolu ŵaki angupatuska mtima waki kuti wayambi kulondo achiuta anyaki,+ ndipu mtima waki wenga wamphumphu cha* kwaku Yehova Chiuta waki, nge mo wenge mtima wa awisi a Davidi.

39 Munthukazi ngwakumangika asani mulumu waki ngwamoyu,+ kweni asani mulumu waki wagona tulu ta nyifwa, ngwakufwatuka kuyirwa ku munthulumi weyosi yo wakhumba, kweni mwa Ambuya pe.+