Masalimo

83 Yimwi Chiuta, mungajanga cheti cha;+

Mungajanga chisisi cha* pamwenga kujapu ŵaka, yimwi Chiuta.

 2 Pakuti awonani! Arwani ŵinu avunduka;+

Wo atikutinkhani achita vinthu mwakujikuzga.*

 3 Anozge chiŵembu ŵanthu ŵinu mwauryarya;

Apangana kuti ayukiyi ŵanthu ŵinu akuzirwa.*

 4 Akamba kuti: “Tiyeni tiŵabayi kuti aleki kuja mtundu,+

Kuti zina laku Isirayeli lingakumbukikanga so cha.”

 5 Yiwu apangana chinthu chimoza;*

Akoliyana* kuti akuyukiyeni,+

 6 Mahema ngaku Edomu ndi ŵana aku Ishimayeli, Amowabu+ ndi Ahagiri,+

 7 Agebali, Aamoni+ ndi Aamaleki,

Ŵanthu a ku Filisitiya+ limoza ndi ŵanthu a ku Turo.+

 8 Ŵanthu a ku Asiriya+ nawu akoliyana nawu;

Apereka chovyu* ku ŵana aku Loti.+ (Selah)

 9 Chitani nawu nge mo munguchitiya ndi a Midiyani,+

Kweniso nge mo munguchitiya ndi Sisera ndi Yabini mudambu la Kishoni.+

10 Yiwu angubayika ku Eni-dori;+

Ndipu angusambuka manyowa padongu.

11 Ŵanthu ŵawu akuzirwa muŵachitiski kuja nge Orebi ndi Zibu+

Ndipu alongozgi ŵawu kuja nge Zeba ndi Zalimuna,+

12 Pakuti yiwu angukamba kuti: “Tiyeni tilondi charu cho Chiuta wajamu.”

13 Yimwi Chiuta, achitiskeni kuja nge vimadondu vaminga vo vitchupuka,+

Nge phesi lo liputa ndi mphepu.

14 Nge motu wo utotcha thundu,

Nge malufya ngo ngatotcha mapiri,+

15 Mwaviyo, muŵatchimbizi ndi chimphepu chinu chakofya+

Ndipuso muŵawofyezi ndi chivuwa cha chimphepu.+

16 Benekeriyani* visku vawu ndi soni,

Kuti apenjipenji zina linu, yimwi Yehova.

17 Yiwu achiti soni kweniso achiti mantha mpaka muyaya;

Yiwu alengeseki kweniso amali;

18 Ŵanthu aziŵi kuti yimwi, yo zina linu ndimwi Yehova,+

Yimwi mwija ndimwi Wapachanya Limu pacharu chosi chapasi.+