Masalimo
97 Yehova waja Fumu!+
Charu chapasi chisekere.+
2 Mitambu kweniso mdima ukulu vamuzunguliya;+
Urunji ndi cheruzgu ndivu fawundeshoni ya mpandu waki waufumu.+
4 Malimphezi ngaki ngangweruska charu;
Charu chapasi chitingawona ndipu chitenthema.+
5 Mapiri ngasongonoka nge phula pa masu paku Yehova,+
Pa masu pa Mbuya wa charu chosi chapasi.
6 Kuchanya kupharazga urunji waki,
Ndipu ŵanthu wosi awona unkhankhu waki.+
7 Ŵanthu wosi wo ateŵete vikozgu vakusema alengeseki,+
Wo atijitukumuwa chifukwa cha achiuta ŵawu ambula fundu.+
Mujikamiyeni* yimwi achiuta mosi.+
8 Ziyoni watuvwa ndipu wakondwa;+
Matawuni nga ku Yuda ngasekere*
Chifukwa cha vyeruzgu vinu yimwi Yehova.+
9 Pakuti yimwi Yehova ndimwi Wapachanya Limu pacharu chosi chapasi;
Ndimwi wakukwezeka kuluska achiuta wosi.+
10 Yimwi mutanja Yehova, tinkhani cho ntchiheni.+
Iyu wavikiliya maumoyu nga ŵanthu ŵaki akugomezgeka;+
11 Ukweru waŵaliya arunji+
Ndipu likondwa laŵaliya wo mbakunyoloka mtima.
12 Kondwani mwaku Yehova yimwi arunji,
Ndipu wongani zina laki lakupaturika.*