Buku Lakwamba la Mbiri
16 Mwaviyo, yiwu anguza ndi Bokosi laku Chiuta wauneneska ndipu anguliŵika muhema lo Davidi wangulijinthiya.+ Yiwu angupereka sembi zakupiriza kweniso sembi za chimangu pa masu paku Chiuta wauneneska.+ 2 Davidi wati wamaliza kupereka sembi zakupiriza+ kweniso sembi za chimangu,+ wangutumbika ŵanthu mu zina laku Yehova. 3 Iyu wangugaŵiya so Ayisirayeli wosi, munthulumi ndipuso munthukazi, weyosi wangumupaska chiŵandi chakuzunguliya, keki yakutuliya ku vipasu va kantchindi kweniso keki ya mphereska zakumira. 4 Pavuli paki, iyu wangusankha Alevi anyaki kuti ateŵetiyengi panthazi pa Bokosi laku Yehova,+ kuti atumbikengi,* awongengi, ndi kuthamika Yehova Chiuta waku Isirayeli. 5 Asafu+ ndiyu wenga mulongozgi, ndipu wachiŵi wenga Zekariya. Penga so Yeyiyeli, Shemiramoti, Yehiyelu, Matitiya, Eliyabu, Benaya, Obedi-edomu ndi Yeyiyeli,+ wo ambanga vakumbiya va vingwi ndipuso mabangu;*+ kweniso penga Asafu yo wambanga vakumbiya va nge vimbali.+ 6 Ndipu Benaya ndi Yahaziyeli wo ŵenga asembi, ambanga mbata* kwambula kulekeza panthazi pa bokosi la phanganu laku Chiuta wauneneska.
7 Pa zuŵa lenili kenga kakwamba kuti Davidi wapeki sumu yakuwonga Yehova ndi kulamula kuti Asafu+ ndi abali ŵaki ambi. Sumu yaki yenga yakuti:
10 Mumalikengi pakuthamika zina laki lakupaturika.+
Mitima ya ŵanthu wo apenja Yehova yikondwi.+
11 Penjani Yehova+ kweniso nthazi zaki.
Penjani chisku chaki nyengu zosi.+
12 Kumbukani ntchitu zakuziziswa zo iyu wachita,+
Vakuziziswa vo iyu wachita kweniso vyeruzgu vo iyu wapereka,
13 Yimwi mphapu* yaku Isirayeli mteŵeti waki,+
Yimwi ŵana aku Yakobe, akusankhika ŵaki.+
14 Iyu ndi Yehova Chiuta widu.+
Vyeruzgu vaki ve pacharu chosi chapasi.+
15 Kumbukani phanganu laki mpaka muyaya
Layizgu lo iyu wangupereka,* mpaka ku migonezi 1,000,+
16 Phanganu lo iyu wanguchita ndi Abrahamu,+
Ndipuso layizgu lo wangulapizgiya Isaki,+
17 Lo wangulijalikiska kuja dangu kwaku Yakobe+
Kweniso nge phanganu lamuyaya kwaku Isirayeli,
18 Mwakukamba kuti, ‘Ndikupaskengi charu cha Kanani+
Kuti chije chihara chaku cho ndakugaŵiya.’+
19 Wangukamba venivi pa nyengu yo mwenga amana,
Hinya, mwenga amana ukongwa, ndipuso mwenga alendu mucharu cho.+
20 Yiwu ayingangayinganga kutuwa ku mtundu unyaki kuluta ku mtundu unyaki,
Kutuwa ku ufumu unyaki kuluta ku ŵanthu anyaki.+
21 Iyu wanguzomereza cha kuti munthu weyosi waŵakandirizgi,+
Kweni wanguchenya mafumu chifukwa chaku yiwu,+
22 Iyu wangukamba kuti, ‘Akusankhika ŵangu mungaŵakwaskanga cha,
Ndipu achimi ŵangu mungaŵachitiyanga cha chinthu chechosi chiheni.’+
23 Mbiyani Yehova, yimwi mosi muja pacharu chosi!
Pharazgani utaski waki zuŵa lelosi!+
24 Pharazgani unkhankhu waki pakati pa mitundu,
Kweniso ntchitu zaki zakuziziswa pakati pa ŵanthu wosi.
25 Pakuti Yehova ndi mukulu kweniso ngwakwenere kumuthamika.
Iyu ngwakuchitiska mantha ukongwa kuluska achiuta anyaki wosi.+
28 Perekani kwaku Yehova vo vitimuyenere, yimwi mabanja nga ŵanthu,
Perekani kwaku Yehova vo vitimuyenere, chifukwa cha unkhankhu waki kweniso nthazi zaki.+
Jikamiyani* Yehova mwavwala vakuvwala vakupaturika.*+
30 Njekemiyani pa masu paki, yimwi mosi muja pacharu chapasi!
Charu chapasi chikujalikiskika mwakukho; chinganderezeka cha.*+
31 Kuchanya kukondwi, ndipu charu chapasi chisekere;+
Pharazgani pakati pa mitundu kuti: ‘Yehova waja Fumu!’+
32 Nyanja yiwurumi limoza ndi vosi vo ve mwenimo;
Mtunda ndi vosi vo ve mwenimo vikondwi.
33 Vimiti va muthundu navu vidanirizi mwakukondwa pa masu paku Yehova,
Pakuti iyu watuza* kuziyeruzga charu chapasi.
35 Ndipu mukambi kuti, ‘Titaskeni, yimwi Chiuta mtaski widu,+
Tiwunganiseni pamoza, ndipu titaskeni ku ŵanthu amitundu,
Kuti tiwongi zina linu lakupaturika+
Ndi kukondwa po titikuthamikani.+
Ŵanthu wosi angukamba kuti, “Ame!”* ndipu yiwu anguthamika Yehova.
37 Sonu Davidi wangusiya Asafu+ ndi abali ŵaki kweniko panthazi pa bokosi la phanganu laku Yehova, kuti ateŵetiyengi nyengu zosi panthazi pa Bokosi,+ mwakukoliyana ndi ntchitu za zuŵa lelosi.+ 38 Obedi-edomu ndi abali ŵaki 68, Obedi-edomu mwana waku Yedutuni ndipuso Hosa, ŵenga alonda a pageti. 39 Wangusiya so Zadoki+ yo wenga wasembi limoza ndi asembi anyaki panthazi pa chihema chaku Yehova pamalu ngapachanya ku Gibiyoni,+ 40 kuti aperekengi sembi zakupiriza kwaku Yehova nyengu zosi, mlenji ndi mazulu, paguŵa la sembi zakupiriza. Kweniso kuti achitengi vinthu vosi vo vingulembeka mu Dangu laku Yehova lo wangulamula Ayisirayeli.+ 41 Yiwu ŵenga limoza ndi Hemani ndipuso Yedutuni+ kweniso ŵanthu wosi wo angusankhika mwakuchita kuzumbulika mazina kuti awongengi Yehova,+ chifukwa “chanju chaki chambula kumala ntchamuyaya”;+ 42 ndipu yiwu ŵenga ndi Hemani+ kweniso Yedutuni wo ambanga mbata, vakumbiya va nge vimbali ndipuso vipangizu vinyaki vo agwiriskiyanga ntchitu pakumba sumu zakuthamika* Chiuta wauneneska. Ŵana aku Yedutuni+ ajanga pageti. 43 Pavuli paki, ŵanthu wosi anguwere kunyumba zawu, ndipu Davidi wanguluta kuchitumbika a munyumba yaki.