Masalimo

Muthamikeni yimwi ateŵeti aku Yehova,

Thamikani zina laku Yehova.

 2 Zina laku Yehova lithamikiki

Kwamba sonu mpaka muyaya.+

 3 Kutuwa ko lumwi lituliya mpaka ko liselere,

Zina laku Yehova lithamikiki.+

 4 Yehova ngwapachanya kuphara mitundu yosi;+

Unkhankhu waki ngwapachanya kuluska kuchanya.+

 5 Ndiyani yo wayanana ndi Yehova Chiuta widu,+

Yo waja* kuchanya?

 6 Iyu wakotama kuti walereski kuchanya ndi charu chapasi,+

 7 Iyu wasoska munthu wakusika kutuwa mufuvu.

Wakweza munthu mukavu kutuwa mundundu ya vyotu.*+

 8 Kuti waje limoza ndi ŵanthu akuzirwa,

Ŵanthu akuzirwa pakati pa ŵanthu ŵaki.

 9 Chumba watichipaska nyumba

Nge munthukazi wakukondwa yo we ndi ŵana.*+