Masalimo
Sumu yaku Davidi.
138 Ndikuthamikeningi ndi mtima wangu wosi.+
Pa masu pa achiuta anyaki,
Ndikumbiyeningi sumu zakukuthamikani.*
2 Ndijikamengi ndalazgiya kunyumba yinu yakusopiyamu yakupaturika,*+
Ndipu ndithamikengi zina linu+
Chifukwa cha chanju chinu chambula kumala kweniso kugomezgeka kwinu.
Pakuti mwakweza mazu nginu kweniso zina linu kuluska chinthu chechosi.*
4 Mafumu ngosi nga pacharu chapasi ngakuthamikeningi yimwi Yehova,+
Pakuti ngavwengi malayizgu nginu ngo mukukamba.
5 Ngambengi vakukwaskana ndi nthowa zaku Yehova,
Pakuti unkhankhu waku Yehova ngukulu.+
6 Chinanga kuti Yehova waja kuchanya, wawona ŵanthu akujiyuyuwa,+
Kweni ŵanthu akujikuzga waja nawu patali.+
7 Chinanga ndingayenda pakati pa vinthu vakofya, yimwi mundisungengi wamoyu.+
Mutambasuwa janja linu kuti mulimbani ndi ukali wa arwani ŵangu;
Janja linu lamaryi linditaskengi.
8 Yehova wandichitiyengi vinthu vosi.