Masalimo
Pempheru la munthu wakukandirizgika yo we mu suzgu,* ndipu wapunguliya Yehova vo vitimufipiska mtima.+
2 Mungandibisiyanga chisku chinu cha pa nyengu ya masuzgu.+
3 Pakuti mazuŵa ngangu ngamala liŵiliŵi nge josi,
Ndipu viwanga vangu vanyeka nge nkhuni pachipembu.+
4 Mtima wangu wawisikiya pasi nge uteka ndipu wafota,+
Pakuti ndiluwa kurya chakurya changu.
6 Ini ndiyanana ndi chiyuni cha khuya chamuchipululu;
Kweniso nde nge phululu mumahami.
8 Arwani ŵangu atindinyoza zuŵa losi lamphumphu.+
Wo atindinena, agwiriskiya ntchitu zina langu pakutemba.
9 Pakuti nditurya vyotu nge chakurya changu,+
Ndipu chakumwa changu chasazgikana ndi masozi,+
10 Chifukwa cha ukali winu kweniso kutoloma kwinu,
Pakuti mungundinyamuliya muchanya kuti munditayi.
13 Yimwi mutondekengi cha kuyuka ndipu Ziyoni mumulongongi lisungu,+
Pakuti nyengu yakuti mumulongo lisungu linu yakwana;+
Nyengu yakuŵikika yafika.+
15 Mitundu yiwopengi zina laku Yehova,
Ndipu mafumu ngosi nga pacharu chapasi ngawopengi unkhankhu winu.+
19 Pakuti iyu walereska pasi kutuliya mumalu ngaki ngapachanya ngakupaturika,+
Yehova walereska charu chapasi kutuliya kuchanya,
20 Kuti wavwi kukuta kwa akayidi,+
Kuti wafwatuwi wo ayeruzgika kuti abayiki,+
21 Ndi chilatu chakuti zina laku Yehova lipharazgiki mu Ziyoni+
Ndipuso kuti wathamikiki mu Yerusalemu,
22 Asani ŵanthu kweniso maufumu
Awungana pamoza kuti ateŵete Yehova.+
23 Iyu wangundiphanga nthazi zangu nyengu yaki yechendakwani;
Ndipuso wangudumuwa mazuŵa ngangu.
24 Ini ndingukamba kuti: “Yimwi Chiuta wangu,
Mungandibayanga mazuŵa nga umoyu wangu ngeche pakatikati cha,
Yimwi yo vyaka vinu vilutiriya mu migonezi yosi.+
25 Mukuŵika mafawundeshoni nga charu chapasi kali ukongwa,
Ndipu kuchanya ndi ntchitu ya manja nginu.+
26 Vinthu venivi vazamumala kweni yimwi mulutirizgengi kuŵaku;
Vosi vazamumala nge mo chakuvwala chimaliya.
Muweziyengepu vinyaki nge mo viŵiya ndi malaya, ndipu navu vimalengi.
27 Kweni yimwi musintha cha, ndipu vyaka vinu vimalengi cha.+
28 Ŵana ŵa ateŵeti ŵinu ajengi mwakuvikilirika,
Ndipu mphapu yawu yijalikiskikengi mwakukho pa masu pinu.”+