Masalimo
Sumu yaku Davidi.
103 Ndithamikengi Yehova;
Chechosi cho che mukati mwangu, chithamiki zina laki lakupaturika.
2 Ndithamikengi Yehova;
Ndiluwengi cha vosi vo iyu wachita.+
3 Iyu watikugowoke maubudi ngaku ngosi+
Kweniso watikuchizga matenda ngaku ngosi.+
4 Wawombo umoyu waku kuzenji*+
Ndipu watikuvwalika chanju chaki chambula kumala kweniso lisungu laki nge chisoti chaufumu.+
6 Yehova wachita vinthu mwaurunji+ kweniso wapereka cheruzgu chakunyoloka
Kwaku wosi wo akandirizgika.+
8 Yehova ngwalisungu kweniso ngwawezi,+
Ngwambula kukwiya liŵi ndipuso ngwakuzaza ndi chanju chambula kumala.+
10 Iyu watichitiya vinthu mwakukoliyana ndi maubudi ngidu cha,+
Pamwenga kutiweze mwakukoliyana ndi mphulupulu zidu.+
11 Nge mo kuchanya kuliri pachanya kuphara charu,
Ndimu so ulili ukulu wa chanju chaki chambula kumala cho walongo ŵanthu wo atimuwopa.+
12 Nge mo ulili utali wa pakati pa ko kutuliya lumwi ndi ko liselere,
Ndimu so waŵikiya kutali maubudi ngidu ndi isi.+
16 Kweni asani mphepu yaputa, liluta,
Ndipu vija nge kuti pengavi.*
17 Kweni chanju chambula kumala chaku Yehova ntchamuyaya mpaka muyaya*
Kwaku wo atimuwopa,+
Ndipuso urunji waki ku ŵana a ŵana ŵawu,+
18 Kwaku wo asunga phanganu laki+
Kweniso wo asunga marangu ngaki mwakuphwere.
22 Thamikani Yehova yimwi ntchitu zaki zosi,
Mumalu ngaki ngosi ngo iyu walamuliya.*
Umoyu wangu wosi uthamiki Yehova.