Masalimo
Kwaku yo walongozga sumu. Sumu yaku Davidi.
21 Yimwi Yehova, fumu yikondwa chifukwa cha nthazi zinu;+
Ndipu yikondwa ukongwa chifukwa cha ntchitu zinu za utaski!+
2 Mwayipaska vo mtima waki ukhumba,+
Ndipu mwayinola cha vo milomu yaki yapempha. (Selah)
3 Pakuti mwakumana nayu ndipu mwayipaska vitumbiku vinandi;
Mwayivwalika chisoti cha ufumu cha golidi wamampha ukongwa.*+
5 Ntchitu zinu za utaski ziyipaskengi unkhankhu ukulu.+
Mwayipaska ulemu ndi unkhankhu.
7 Pakuti fumu yithemba Yehova;+
Ndipu yisukunyikengi* cha chifukwa cha chanju chambula kumala cha Wapachanya Limu.+
8 Janja linu lisaniyengi arwani ŵinu wosi;
Janja linu lamaryi lisaniyengi ŵanthu wo atikutinkhani.
9 Mwazakuŵachitiska kuti aje nge ng’anju ya motu pa nyengu yakuŵikika po mwazamuyendere.
Yehova wazakuŵameza ndi ukali waki, ndipu motu wazakuŵapiriza.+
10 Mwazamunanga mphapu yawu kuti yituwepu* pacharu chapasi,
Ndipu mphapu yawu mwazakuyituzgapu pakati pa ŵana a ŵanthu.
11 Pakuti yiwu akhumbanga kuchita vinthu vo yimwi mutinkha;+
Yiwu anozga viŵembu vo vifiskikengi cha.+
13 Sokani yimwi Yehova chifukwa cha nthazi zinu.
Timbengi sumu zakuthamika* nthazi zinu.