Masalimo
BUKU LACHINAYI
(Masalimo 90-106)
Pempheru laku Mozesi, munthu waku Chiuta wauneneska.+
2 Mapiri ngechendaweku
Pamwenga mwechendalengi charu chapasi*+
Yimwi ndimwi Chiuta kutuwa muyaya mpaka muyaya.+
3 Munthu mutimuchitiska kuti wawere kufuvu;
Mukamba kuti: “Weleriyani yimwi ŵana a ŵanthu.”+
4 Pakuti kwaku yimwi, vyaka 1,000 ve nge zana,+
Ve nge ulinda wa usiku umoza.
6 Ndi mlenji ubiriŵira kweniso uweliyamu,
Kweni ndi mazulu ufota ndipu umira.+
7 Pakuti isi tiryika ndi ukali winu+
Kweniso tichita mantha chifukwa cha kutoloma kwinu.
8 Maubudi ngidu mutingaŵika pa masu pinu;*+
Vinthu vo tichita mwachisisi vivumbulika chifukwa cha ukweru wa chisku chinu.+
9 Mazuŵa ngidu ngamala* kamanakamana chifukwa cha ukali winu;
Ndipu vyaka vidu vimala nge mazu ngakutokotoska.*
Kweni vizaza ndi masuzgu kweniso chitima;
Viswera cha kumala ndipu tiputa.+
11 Ndiyani wangavwisa nthazi ya ukali winu?
Ukali winu ngukulu ukongwa nge mantha ngo titenere kukuwopani nangu.+
12 Tisambizeni mo tingaŵerenge mazuŵa ngidu+
Kuti tije ndi mtima wazeru.
13 Weleriyani yimwi Yehova!+ Kumbi venivi vilutiliyengi mpaka zuŵanji?+
Achitiyeni lisungu ateŵeti ŵinu.+
14 Ndi mlenji, tigutiseni ndi chanju chinu chambula kumala,+
Kuti tidanirizi mwalikondwa kweniso tisekere+ mu mazuŵa ngidu ngosi.
15 Tichitiskeni kuti tikondwi mwakukoliyana ndi unandi wa mazuŵa ngo mwatiwisiya masuzgu,+
Tikondwi mwakukoliyana ndi unandi wa vyaka vo takumana ndi masoka.+
16 Ateŵeti ŵinu awoni ntchitu zinu,
Ndipu ŵana ŵawu awoni unkhankhu winu.+
17 Lisungu laku Yehova Chiuta widu lije paku isi;
Muchitiski kuti ntchitu za manja ngidu zilutirizgi kuŵaku.*
Hinya, chitiskani kuti ntchitu za manja ngidu zilutirizgi kuŵaku.*+