Nthanthi

 2 Kumbi ndikukambiyenji, yiwi wamwana wangu,

Ndikukambiyenji yiwi mwana wakutuliya mumoyu mwangu,

Ndikukambiyenji yiwi mwana wa malayizgu ngangu?+

 3 Nthazi zaku ungaziperekanga kwa anthukazi cha,+

Pamwenga kulondo nthowa zo zinanga mafumu.+

 4 Yiwi Lemuweli, ntchakwenere cha ku mafumu,

Ntchakwenere cha kuti mafumu ngamwengi vinyu

Pamwenga wo alamuliya kuti akambi kuti, “Che pani chakumwa changu?”+

 5 Kuti aleki kumwa ndi kuluwa dangu

Ndi kubendezga wanangwa wa ŵanthu akusika.

 6 Pereka moŵa ku ŵanthu wo amala+

Kweniso vinyu ku ŵanthu wo ŵe ndi urwirwi ukulu.+

 7 Aleki amwi ndi kuluwa ukavu wawu;

Aluwiyi limu masuzgu ngawu.

 8 Longoro mumalu mwa ŵanthu wo alivi mazu,

Vikiliya wanangwa wa ŵanthu wosi wo amala.+

 9 Longoro ndi kuyeruzga mwaurunji;

Vikiliya wanangwa* wa ŵanthu akusika ndi akavu.+

11 Mulumu waki watimuthemba kutuliya mumtima,

Ndipu wasoŵa kanthu kekosi cha kakuzirwa.

12 Iyu watimuchitiya vamampha mulumu waki, viheni cha,

Mu mazuŵa ngosi nga umoyu waki.

13 Wasaniya weya wa mbereri ndi salu yamampha;

Wakondwa kugwira ntchitu ndi manja ngaki.+

14 Iyu we nge sitima za munthu wamalonda,+

Watuza ndi chakurya kutuliya kutali.

15 Iyu wayuka usikusiku,

Wapereka chakurya ku ŵanthu a munyumba yaki

Kweniso wagaŵiya ateŵeti ŵaki anthukazi vigaŵa vawu.+

16 Waŵanaŵaniya vakukwaskana ndi munda ndipu watiwugula;

Wapanda mphereska chifukwa cha kutakataka kwaki.*

17 Iyu wanozgeke kugwira ntchitu mwaphamphu,*+

Ndipu walamisa manja ngaki.

18 Iyu wawonesesa kuti wasaniya phindu pa malonda ngaki;

Nyali yaki yizimwa cha ndi usiku.

19 Manja ngaki ngako nthonga yakupangiya wuzu,

Ndipu manja ngaki ngakolesa chakuzingiya wuzu.+

20 Watambasuliya janja laki munthu wakusika,

Kweniso watambasuliya manja ngaki munthu mukavu.+

21 Iyu watiŵafipiya mtima cha ŵanthu a munyumba yaki asani kwazizira,

Pakuti ŵanthu wosi a munyumba yaki avwala vakuvwala vakufunda.*

23 Mulumu waki waziŵika umampha ukongwa pamageti nga tawuni,+

Po waja pakati pa ŵara a mucharu.

24 Iyu wapanga ndi kugulisa vakuvwala vasalu yamampha*

Kweniso wawodesa malamba ku ŵanthu a malonda.

25 Iyu wavwalikika nthazi kweniso unkhankhu,

Ndipu walereska kunthazi mwachiganga.*

26 Wajula mulomu waki mwazeru;+

Ndipu dangu la lisungu le* palilimi laki.

27 Wawonere vo ŵanthu a munyumba yaki achita,

Ndipu waturya cha chiŵandi cha ulesi.+

28 Ŵana ŵaki asoka ndipu atimudana kuti ngwakukondwa;

Mulumu waki wasoka ndipu watimuthamika.

29 Pe anthukazi anandi amampha,*

Kweni yiwi uluska wosi.

30 Kuwoneka umampha kunyenga ndipu kutowa kungamala,*+

Kweni munthukazi yo watopa Yehova wathamikikengi.+

31 Mupaskeni mphotu mwakukoliyana ndi vo wachita,*+

Ndipu ntchitu za manja ngaki zimuthamiki mumageti nga tawuni.+