Yoswa
12 Mafumu ngo Ayisirayeli angungathereska ndipuso ngo angungalonda vyaru kuvuma* kwa Yorodani kuti vije vawu, kutuliya ku Dambu la Arinoni+ mpaka ku Phiri la Herimoni+ ndipuso charu chosi cha Araba chakuvuma, ndi yanga:+ 2 Sihoni+ fumu ya Aamori, yo wajanga ku Heshiboni ndipu walamuliyanga kutuliya ku Aroweri,+ malu ngo ngenga mumphepeti mwa Dambu la Arinoni,+ ndipuso kutuliya pakati pa dambu, ndi hafu ya chigaŵa cha Giliyadi mpaka ku Dambu la Yaboku kumphaka ya Aamoni. 3 Iyu walamuliyanga so ku Araba mpaka ku Nyanja ya Kinereti*+ chakuvuma,* kweniso mpaka ku Nyanja ya Araba yo ndi Nyanja ya Mche,* kuvuma kulazgiya ku Beti-yeshimoti ndipuso kumwera mumphata mwa malu ngakusendemuka ku Pisiga.+
4 Anguthereska so chigaŵa chaku Ogi+ fumu ya Bashani, yo wenga yumoza wa Arefayimu akumaliya+ ndipu wajanga ku Ashitaroti ndi Edireyi. 5 Iyu walamuliyanga ku Phiri la Herimoni, ku Saleka, ndipuso charu chosi cha Bashani,+ mpaka kumphaka ya Ageshuri ndi Amayakati,+ kweniso hafu ya chigaŵa cha Giliyadi mpaka kumphaka ya chigaŵa chaku Sihoni fumu ya Heshiboni.+
6 Mozesi mteŵeti waku Yehova, limoza ndi Ayisirayeli wosi anguthereska mafumu ngenanga.+ Pavuli paki, Mozesi mteŵeti waku Yehova, wangupereka vyaru vawu ku fuku laku Rubeni, laku Gadi ndi hafu ya fuku laku Manasi kuti vije vawu.+
7 Yanga ndi mafumu ngo Yoswa ndi Ayisirayeli anguthereska kuzambwi* kwa Yorodani, kwambiya ku Bala-gadi+ mu Dambu la Lebanoni+ mpaka ku Phiri la Halaki+ lo lifika ku Seiri,+ ndipu pavuli paki Yoswa wangupereka vyaru vawu ku mafuku nga Ayisirayeli kuti vije vawu mwakukoliyana ndi vigaŵa vawu,+ 8 ndipu mafumu ngenanga ngenga nga kuchigaŵa chamapiri, ku Shefela, ku Araba, kumalu ngakusendemuka, kuchipululu, kweniso ku Negebu,+ vo venga vyaru va Ahiti, Aamori,+ Akanani, Aperezi, Ahivi ndi Ayebusi:+
9 Fumu ya Yeriko,+ yimoza; fumu ya Ai,+ kufupi ndi ku Beteli, yimoza;
10 fumu ya Yerusalemu, yimoza; fumu ya Heburoni,+ yimoza;
11 fumu ya Yarimuti, yimoza; fumu ya Lakishi, yimoza;
12 fumu ya Egiloni, yimoza; fumu ya Gezeri,+ yimoza;
13 fumu ya Debiri,+ yimoza; fumu ya Gederi, yimoza;
14 fumu ya Horima, yimoza; fumu ya Aradi, yimoza;
15 fumu ya Libina,+ yimoza; fumu ya Adulamu, yimoza;
16 fumu ya Makeda,+ yimoza; fumu ya Beteli,+ yimoza;
17 fumu ya Tapuwa, yimoza; fumu ya Hefa, yimoza;
18 fumu ya Afeki, yimoza; fumu ya Lasharoni, yimoza;
19 fumu ya Madoni, yimoza; fumu ya Hazori,+ yimoza;
20 fumu ya Shimuroni-meroni, yimoza; fumu ya Akishafu, yimoza;
21 fumu ya Tanaki, yimoza; fumu ya Megido, yimoza;
22 fumu ya Kedeshi, yimoza; fumu ya Yokiniyamu+ ku Karimeli, yimoza;
23 fumu ya Dori pamalu ngakusendemuka nga Dori,+ yimoza; fumu ya Goyimu ku Giligala, yimoza;
24 fumu ya Tiriza, yimoza; ngosi pamoza ngengapu mafumu 31.