SUMU YAKU SOLOMONI
1 Sumu ya zisumu,* yo ndi sumu yaku Solomoni:+
3 Mafuta ngaku ngakupaka nganunkhira umampha.+
Zina laku le nge mafuta ngakununkhira ngakudira pamutu.+
Ndichu chifukwa chaki asungwana atikuyanja.
4 Ndito;* tiyi tithaŵi.
Pakuti fumu yanditole muvipinda vaki vamukati!
Tiyi tikondwi ndi kusekere.
Tiyi tikambi* va chanju chaku kuluska kukamba va vinyu.
Mphaki kuti atikuyanja.*
5 Nde mufipa, kweni nde wakutowa, yimwi ŵana anthukazi a ku Yerusalemu,
Nde nge mahema nga ku Kedara,+ kweniso nge salu za hema+ laku Solomoni.
6 Kundilereseska cha pakuti ndafipa,
Chifukwa lumwi ndilu landiŵawuwa.
Azichi ŵangu angundikwiyiya;
Angundipaska ntchitu yakuphwere minda ya mphereska,
Kweni munda wangu wa mphereska ndinguwuphwere cha.
Kumbi ndijaliyenji nge munthukazi yo wadika salu kumutu*
Pakati pa miskambu ya anyaku?”
8 “Asani uziŵa cha, yiwi wakutowa ukongwa pa anthukazi wosi,
Londo malundi nga mskambu
Ndipu kaliski ŵana a mbuzi zaku pafupi ndi mahema nga aliska.”
9 “Yiwi wakwanjiwa wangu, we nge hachi* yinthukazi pakati pa magaleta ngaku Farawo.+
10 Matakama ngaku ngawoneka umampha ndi vakutowese,*
Khosi laku litowa ndi vingwi va mikanda.
11 Tikupangiyengi vakutowese vagolidi,*
Vakutoweseka ndi tinthu tasiliva.”
12 “Pa nyengu yo fumu yaja pathebulu laki lakuzunguliya,
13 Wakwanjiwa wangu we nge kathumba ka mure+ ko katuzga fungu lamampha
Ndipu ndi usiku kaja pakati pa maŵe ngangu.
15 “Awona! Ndiwi wakutowa, yiwi wakwanjiwa wangu.
Awona! Ndiwi wakutowa. Masu ngaku nge nge nga njiŵa.”+
16 “Ndiwi wakutowa, yiwi wakwanjiwa wangu, ndipu ndiwi wakukondwesa.+
Bedi lidu le pakati pa mani.
2 “Nge luŵa pakati pa minga
Ndimu waliri wakwanjiwa wangu pakati pa ŵana anthukazi.”
3 “Nge chimiti cha maapozi pakati pa vimiti vamulisuwa,
Ndimu waliri wakwanjiwa wangu pakati pa ŵana anthulumi.
Ndikhumbisiska kuja mu mduzi waki,
Chipasu chaki chinong’ome mumulomu mwangu.
4 Wangunditole kunyumba ya phwandu,*
Ndipu chanju chaki kwaku ini che nge mbendera.
5 Ndisisipuwi ndi makeki nga mphereska zakumira;+
Ndipaski maapozi kuti ndije ndi nthazi,
Pakuti ndatama chifukwa cha chanju.
6 Janja laki lamazge le kusi kwa mutu wangu,
Ndipu janja laki lamaryi landivumbatiya.+
7 Yimwi ŵana anthukazi a ku Yerusalemu, nditikuchitiskani kuti mulapizgi,
Mwakuzumbuwa mphoyu+ ndi mbaŵa zamudondu:
Mungayesanga cha kusukunya pamwenga kuyuska chanju mwaku ini, mpaka po chakhumbiya.+
8 Ndituvwa wakwanjiwa wangu!
Awonani! Watuza,
Wakwera mapiri, wandwikandwika mumapiri.
9 Wakwanjiwa wangu we nge mphoyu, we nge kambaŵa kanthulumi.+
Eyuwa, wama kuseri kwa chimati cha nyumba yidu,
Walingiza mumawindu,
Walereska kuziya mutimphowu ta mawindu.
10 Wakwanjiwa wangu walongoro, watindikambiya kuti:
‘Soka, wakwanjiwa wangu,
Wakwanjiwa wangu wakutowa, tiyi tikengi.
11 Awona! Chifuku chajumpha.*
Vuwa yamala ndipu yaluta.
13 Vipasu vakwamba va chimiti cha mkuyu vafya;+
Vimiti va mphereska vachita maluŵa ndipu vituzga fungu laki lamampha.
Soka, wakwanjiwa wangu, zanga.
Yiwi wakwanjiwa wangu wakutowa, tiyi tikengi.
14 Yiwi njiŵa yangu yo ye kusi kwa jalawi,+
Mumalu ngambula kuwoneka ngo nge kwakugodoboka,
Ndikhumba ndikuwoni ndi kuvwa mazu ngaku,+
Pakuti mazu ngaku ngakukondwesa ndipu uwoneka umampha.’”+
15 “Tikoliyeni akambwi,
Tikoliyeni akambwi amanaamana wo ananga minda yidu ya mphereska,
Pakuti minda yidu ya mphereska yachita maluŵa.”
16 “Wakwanjiwa wangu ngwangu ndipu ini nde waki.+
Iyu waliska+ viŵetu mumaluŵa.+
17 Mpaka po timphepu tamampha tayambiya kuputa,* ndipuso mpaka po miduzi yathaŵiya,
Weku liŵi, yiwi wakwanjiwa wangu,
Nge mphoyu+ pamwenga kambaŵa kanthulumi+ mumapiri ngo nge pakati pidu.*
3 “Nde pabedi langu ndi usiku,
Ndapenjanga yo nditimuyanja.+
Ndingumupenja kweni ndingumusaniya cha.+
2 Ndiyukengi ndi kwendakwenda mutawuni;
Mumisewu ndi mumabalaza nga tawuni,
Kuti ndipenji yo nditimuyanja.
Ndingumupenja kweni ndingumusaniya cha.
3 Alonda angundisaniya achiyendere tawuni.+
‘Kumbi mwamuwonaku yo nditimuyanja?’
4 Ndati ndaŵajumpha ŵaka kamanavi
Ndingumusaniya yo nditimuyanja.
Ndingumukolesa, ndipu ndingumutaya cha
Mpaka ndinguza nayu kunyumba kwa ama,+
Mpaka muchipinda chamukati chaku yo wakundibala.
5 Yimwi ŵana anthukazi a ku Yerusalemu, nditikuchitiskani kuti mulapizgi,
Mwakuzumbuwa mphoyu ndi mbaŵa zamudondu:
Mungayesanga cha kusukunya pamwenga kuyuska chanju mwaku ini, mpaka po chakhumbiya.”+
6 “Kumbi ntchinthu wuli cho chikwera kutuliya kuchipululu cho chiwoneka nge vipilala va josi,
Cho chinunkhira mure ndipuso vinthu vinyaki vakununkhira,
Kweniso cho che ndi vinthu vosi vaufwaufwa vakununkhira va amalonda?”+
7 “Wonani! Ndi mpandu* waku Solomoni.
Anthulumi anthazi 60 awuzingiliza,
Ndipu atuliya pakati pa anthulumi anthazi a ku Isirayeli,+
8 Weyosi wapinga lipanga,
Wosi akusambizika mo angachitiya nkhondu,
Weyosi wamangiriya lipanga laki muchiwunu mwaki
Kuti walimbani ndi vinthu vo vitofya ndi usiku.”
9 “Ndi mpandu* waufumu wa Fumu Solomoni
Wo yingupanga mwakugwiriskiya ntchitu vimiti va ku Lebanoni.+
10 Vipilala va mpandu wenuwu vasiliva,
Kweniso vakunyekezapu vaki vagolidi.
Chakujapu chaki ntcha weya wambereri wamtundu wapepo;
Ndipu ŵana anthukazi a ku Yerusalemu
Akutowesamu umampha ukongwa mukati mwaki.”
11 “Tuwani yimwi ŵana anthukazi a ku Ziyoni,
Wonani Fumu Solomoni
Yavwala nkhata yamaluŵa ya pa zowala yo anyina+ anguyipangiya
Pa zuŵa la nthengwa yaki,
Pa zuŵa lo mtima waki ungukondwa ukongwa.”
4 “Awona! Ndiwi wakutowa, yiwi wakwanjiwa wangu.
Awona! Ndiwi wakutowa.
Masu ngaku nge nge nga njiŵa musalu yo wadika.
Sisi laku le nge mskambu wa mbuzi
Zo zisika mumapiri nga Giliyadi.+
2 Minyu ngaku nge nge mskambu wa mbereri zo zasengeka ŵaka sonu
Zo zaweku ko azisambikanga,
Zosi zikubala ŵana ŵaŵiŵaŵi a muwoli,
Ndipu palivi yo mwana waki wakufwapu.
3 Milomu yaku ye nge uzu uyera,
Ndipu mazu ngaku ngakukondwesa.
Matakama ngaku musalu yo wadika
Nge nge chibanthu cha chipasu cha pomegiraneti.*
4 Khosi laku+ le nge kanyumba kakuthopoka kaku Davidi,+
Ko vimati vaki vikuzengeka ndi mya
Ndipu pa vimati venivi apayikapu vishangu 1,000,
Vishangu vosi vakuzunguliya va anthulumi anthazi.+
6 “Mpaka po timphepu tamampha tayambiya kuputa,* ndipuso mpaka po miduzi yathaŵiya,
Ndikengi kuphiri la mure
Kweniso kuphiri la vakununkhira.”+
8 Tiyi tituliyeku limoza ku Lebanoni, yiwi mwali wangu,
Tiyi tituliyeku limoza ku Lebanoni.+
Sika pachanya pa Amana,*
Sika pachanya pa Seniri, pachanya pa Herimoni,+
Tuwamu mumphanji za nkharamu, mumapiri nga anyalubwi.
9 Wato mtima wangu+ yiwi mzichi wangu, mwali wangu,
Wato mtima wangu ndi kulereska kamoza pe kwa masu ngaku,
Ndi chakutowese chimoza cha nekelesi yaku.
10 Chanju cho utindilongo ntchakunozga ukongwa+ yiwi mzichi wangu, mwali wangu!
Chanju cho utindilongo ntchamampha ukongwa kuluska vinyu,+
Ndipu kununkhira kwa mafuta ngaku kuluska vinthu vosi vakununkhira!+
11 Yiwi mwali wangu, milomu yaku yinthonya uchi wamuchisa.+
Uchi ndi mkaka ve kusi kwa lilimi laku,+
Ndipu fungu lamampha la vakuvwala vaku le nge fungu lamampha la ku Lebanoni.
12 Mzichi wangu, mwali wangu, we nge munda wo we mumpanda,
Munda wo we mumpanda, kasupi yo wajalika.
13 Mbewu zaku zo zibuka ze* nge paradayisu* wa vipasu va pomegiraneti
Limoza ndi vipasu vamampha ukongwa, vivwati va hena ndipuso vimiti va sipikenado,
14 Sipikenado+ ndipuso luŵa la safuroni, mujuŵa*+ ndipuso sinamoni,+
Limoza ndi vimiti vosi va vakununkhira, mure ndipuso aloyi,+
Kweniso limoza ndi mafuta ngosi ngakununkhira umampha ukongwa.+
15 Ndiwi kasupi wa mumunda, chisimi cha maji ngamampha,
Kweniso timisinji ta maji to titenda kutuwa ku Lebanoni.+
16 Yuka, yiwi mphepu ya kunkhondi;*
Sere yiwi mphepu ya kumwera.
Tutiya* pamunda wangu.
Kununkhira kwaki kusapaliyi.”
“Wakwanjiwa wangu wazi mumunda waki
Ndi kurya vipasu vaki vamampha ukongwa.”
5 “Ndasere mumunda wangu,+
Yiwi mzichi wangu, mwali wangu.
Ndapontho mure wangu ndipuso vinthu vangu vakununkhira.+
Ndarya chisa changu cha uchi ndipuso uchi wangu;
Ndamwa vinyu wangu ndipuso mkaka wangu.”+
“Ryani yimwi abwezi akwanjiwa!
Mwani ndi kuloŵe ndi chanju!”+
2 “Ndagona, kweni mtima wangu we masu.+
Ndituvwa wakwanjiwa wangu wagong’oska pachisasa!
‘Ndijuliyeku yiwi mzichi wangu, wakwanjiwa wangu,
Njiŵa yangu, yiwi wakwanjiwa wangu wambula kalema!
Pakuti mutu wangu wazumbwa ndi dungwi,
Sisi langu lakuluka lazumbwa ndi mzizi wa usiku.’+
3 Ndazuwa kali mkhanju wangu.
Kumbi ndiwuvwali so?
Maphazi ngangu ndangasuka.
Kumbi ndinganatisi so?
4 Wakwanjiwa wangu wangutuzgapu janja laki pachimphowu cha chisasa,
Ndipu mtima wangu ungukhabuka chifukwa chaku iyu.
5 Ndinguyuka kuti nkhamujuliyeku wakwanjiwa wangu;
Manja ngangu ngangunthonya mure,
Vikumbu vangu vingunthonyeze mure wamaji,
Pavikoleru va chisasa.
6 Ndingumujuliyaku wakwanjiwa wangu,
Kweni ndingusaniya kuti wakwanjiwa wangu watuwapu, waluta.
Ndingudandawula ukongwa wati waluta.*
Ndingumupenja kweni ndingumusaniya cha.+
Ndingumudana kweni wangundimuka cha.
7 Alonda wo ayenderiyanga tawuni angundisaniya.
Yiwu angundipuma, ndipu angundipweteka.
Alonda wo awoneriyanga mipanda angundiphanga chakudika changu.*
8 Yimwi ŵana anthukazi a ku Yerusalemu, nditikuchitiskani kuti mulapizgi:
Asani mwamusaniya wakwanjiwa wangu,
Mumukambiyi kuti ndatama chifukwa cha chanju.”
9 “Kumbi yo wakwanjiwa waku waphara wuli akwanjiwa anyaki wosi,
Yiwi wamunthukazi wakutowa ukongwa pa anthukazi wosi?
Kumbi yo wakwanjiwa waku waphara wuli akwanjiwa anyaki wosi,
Kuti utichitiski kuti tilapizgi viyo?”
10 “Wakwanjiwa wangu ngwakutowa kweniso ndi muyera;
Pa anthulumi 10,000, iyu wasoŵa cha.
11 Mutu waki ndi golidi wamampha ukongwa.
Sisi laki lakuluka le nge mani nga kantchindi ngo ngaputaputa,*
Ndipu ndifipa nge chaholi.
12 Masu ngaki nge nge njiŵa zo ze mumphepeti mwa timisinji tamaji,
Zo zisamba mumkaka,
Zaja pafupi ndi damu lakuzaza.*
13 Matakama ngaki nge nge mdandu wa vakununkhira,+
Matusi nga vakume vakununkhira.
Milomu yaki ndi maluŵa, yinthonya mure.+
14 Manja ngaki nge nge misuku yagolidi, yo yapakika kurusolito.
Lufu laki ndi munyanga wa njovu wakutowa wo wapakika safiro.
15 Malundi ngaki ndi vipilala vakuzengeka ndi mabo vo vajinthika pa golidi wamampha ukongwa.
Iyu wawoneka nge Lebanoni, ngwakutowa ukongwa nge vimiti va sidara.*+
Mwenuyu ndiyu wakwanjiwa wangu, mwenuyu ndiyu nditimuyanja ukongwa, yimwi ŵana anthukazi a ku Yerusalemu.”
6 “Kumbi wakwanjiwa waku waluta pani,
Yiwi wamunthukazi wakutowa ukongwa pa anthukazi wosi?
Kumbi wakwanjiwa waku walazgiya nthowa niyi?
Tiyi timupenje limoza.”
2 “Wakwanjiwa wangu wasikiya kumunda waki,
Kumidandu ya vakume vakununkhira,
Kuchiliska viŵetu muminda
Kweniso kuchipontho maluŵa.+
3 Ini nde wa wakwanjiwa wangu,
Ndipu wakwanjiwa wangu ngwangu.+
Iyu waliska viŵetu mumaluŵa.”+
4 “Ndiwi wakutowa nge Tiriza,*+ yiwi wakwanjiwa wangu,+
Ndiwi wakukondwesa nge Yerusalemu,+
Utindito mtima nge asilikali wo azunguliya mbendera zawu.+
5 Lereska kumphepeti kuti masu ngaku+ ngaleki kundiwona,
Pakuti ngatindimala nthazi.
Sisi laku le nge mskambu wa mbuzi
Zo zisika mumapiri nga Giliyadi.+
6 Minyu ngaku nge nge mskambu wa mbereri
Zo zaweku ko azisambikanga,
Zosi zikubala ŵana ŵaŵiŵaŵi a muwoli,
Ndipu palivi yo mwana waki wakufwapu.
7 Matakama ngaku musalu yo wadika
Nge nge chibanthu cha chipasu cha pomegiraneti.*
9 Kweni njiŵa yangu yilipu yimoza pe,+ wakwanjiwa wangu wambula kalema.
Walipu yija kwa anyina.
Iyu ngwakwanjiwa* kwaku yo wakumubala.
Ŵana anthukazi atimuwona, ndipu atimudana kuti ngwakukondwa;
Mafumukazi ndi mbilika atimuwona, ndipu atimuthamika.
10 ‘Kumbi ndiyani mwenuyu yo waŵala nge matandakucha,
Yo ngwakutowa nge mwezi wamphumphu,
Yo ngwakuŵala nge lumwi,
Yo wato mtima nge asilikali wo azunguliya mbendera zawu?’”+
11 “Ndingusikiya kumunda wa vimiti va mbalala+
Kuti nkhawoni vinthu vo vame mudambu,
Kuti nkhawoni asani vimiti va mphereska vabuka,*
Kuti nkhawoni asani vimiti va pomegiraneti vachita maluŵa.
13 “Welere, welere, yiwi Mshulamu!
Welere, welere,
Kuti tikulereskengi!”
“Ntchifukwa wuli mukhumba kulereska Mshulamu?”+
“Chifukwa iyu we nge guli wa magulu ngaŵi!”*
7 “Maphazi ngaku ngakutowa ukongwa musapatu zaku,
Yiwi mwana munthukazi wakuzirwa!
Viŵa vaku vikuwumbika umampha ukongwa nge vinthu vakutowese,
Ntchitu ya manja nga munthu walusu.
2 Mdotu waku we nge mbali yabakuli.
Ndipu mdotu wo ungasoŵanga cha vinyu wakusazgika umampha.
Lufu laku le nge ndundu ya balire,
Yo ye pakati pa maluŵa.
3 Maŵe ngaku ngaŵi nge nge tiŵana tiŵi,
Tiŵana ta mbaŵa tamuwoli.+
4 Khosi laku+ le nge kanyumba kakuthopoka kakuzengeka ndi minyanga ya njovu.+
Mphunu yaku ye nge kanyumba kakuthopoka ka ku Lebanoni,
Ko kalereska ku Damasiko.
5 Mutu waku utikutowesa nge Karimeli,+
Ndipu sisi laku lakulukika* le nge weya wambereri+ wamtundu wapepo.+
Fumu yakopeka* ndi sisi laku litali.
6 Ndiwi wakutowa ukongwa ndipuso ndiwi wakukondwesa ukongwa,
Kuluska vinthu vosi vakukondwesa, yiwi msungwana wakwanjiwa!
7 Ukuwumbika umampha nge chimiti cha kantchindi,
Ndipu maŵe ngaku nge nge vipasu va kantchindi.+
8 Ndingukamba kuti, ‘Ndikwerengi chimiti cha kantchindi
Kuti nkhako mphanda zaki za vipasu.’
Maŵe ngaku ngaje nge vipasu va mphereska,
Mvuchi waku ununkhiri nge maapozi,
9 Ndipu mulomu waku uje* nge vinyu wamampha ukongwa.”
“Wamusikiyi umamphaumampha wakwanjiwa wangu,
Wasiki kamanakamana pamilomu ya ŵanthu wo agona.
10 Ini nde wa wakwanjiwa wangu,+
Ndipu iyu wakhumbisiska ini.
12 Tiyi tiyuki mlenjilenji ndipu tiluti kuminda ya mphereska
Tikawoni asani mphereska zabuka,*
Asani maluŵa ngafwatuwa,+
Kwenuku ndiku ndakukulongo chanju changu.+
13 Vipasu va mandiraki*+ vituzga fungu laki lamampha;
Pa visasa vidu pe vipasu vamampha va mitundu yosi.+
Vasonu ndi vakali viyo,
Ndasungiya yiwi wakwanjiwa wangu.
8 “Asani wenga nge mzichi wangu,
Yo wanguwonkha maŵe nga ama,
Ndatingi ndikufyofyonthengi asani ndingukusaniya kubwalu,+
Ndipu palivi munthu yo watingi wandinyozengi.
Ndatingi ndikupaskengi vinyu wakusazgaku vakununkhira kuti umwi,
Maji nga vipasu va pomegiraneti* ngo ngakamika pambula kuswera.
3 Janja laki lamazge latingi lijengi kusi kwa mutu wangu,
Ndipu janja laki lamaryi latingi lindivumbatiyengi.+
4 Yimwi ŵana anthukazi a ku Yerusalemu, nditikuchitiskani kuti mulapizgi:
Mungayesanga cha kusukunya pamwenga kuyuska chanju mwaku ini, mpaka po chakhumbiya.”+
5 “Kumbi ndiyani uyu yo watuwa kuchipululu,
Yo wanyekeza wakwanjiwa waki?”
“Ndingukuyuska pasi pa chimiti cha maapozi.
Penapa ndipu anyoku anguvwiya urwirwi achikubala.
Penapa ndipu wo angukubala anguvwiya urwirwi wa pakubala.
6 Undiŵiki nge chidindu pamtima waku,
Nge chidindu pajanja laku,
Pakuti chanju ntchanthazi nge nyifwa,+
Ndipu chikhumba kujipereka kwaku ichu pe, pakuti chithera cha nge Dindi.*
Milipu yaki ye nge motu wakukole, mulipu waku Ya.*+
Asani munthu wangapereka chuma chosi cha munyumba yaki chifukwa cha chanju,
Chuma cho chingayuyulika* ukongwa.”
8 “Te ndi mzichi widu mumana,+
Yo walivi maŵe.
Kumbi tazakumuchitiyanji mzichi widu
Pa zuŵa lo wazamukhumbika nthengwa?”
9 “Asani iyu ntchimati,
Tazakumuzenge kanyumba kakuthopoka kasiliva,
Kweni asani iyu ntchisasa,
Tazakumuŵikiya kabali wathabwa la chimiti cha sidara.”*
10 “Ini nde chimati,
Ndipu maŵe ngangu nge nge tinyumba takuthopoka.
Mwaviyo, mu masu mwaki ndaja
Nge munthu yo wasaniya chimangu.
11 Solomoni wenga ndi munda wa mphereska+ ku Bala-hamoni.
Iyu wangupereka munda wa mphereska wenuwu ku ŵanthu kuti awuphweriyengi.
Weyosi wazanga ndi masiliva 1,000 pa vipasu va mumunda wo.
12 Nani nde ndi munda wangu wa mphereska wo ndichita nawu chechosi cho ndakhumba.
Masiliva 1,000* ngaku, yiwi Solomoni,
Ndipu masiliva 200 ngaku wo aphwere vipasu vaki.”
13 “Yiwi uja muminda,+
Anyangu akhumba kuvwa mazu ngaku.
Nani ndikhumba kungavwa.”+
14 “Yendesa yiwi wakwanjiwa wangu,
Ndipu utchimbiyi liŵi nge mbaŵa+
Pamwenga nge mphoyu yimana
Pamapiri nga vakununkhira.”
Pamwenga kuti, “Sumu yamampha ukongwa.”
Mazu ngaki chayingu, “Ndiguzi.”
Mazu ngaki chayingu, “tilumbi.”
Kung’anamuwa, asungwana.
Pamwenga kuti, “salu kumutu yakuliriya maliru.”
Pamwenga kuti, “hachi yangu.”
Yapa pangafwatulikiya so kuti, “pakati pa sisi lo lalukika ndi kusikiya mumphata.”
Pamwenga kuti, “mabandi nga kumutu ngagolidi.”
Mazu ngaki chayingu, “Mafuta ngangu nga nado.”
Pamwenga kuti, “nyumba yidu yamampha.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Mazu ngaki chayingu, “kunyumba ya vinyu.”
Pamwenga kuti, “Nyengu ya vuwa yajumpha.”
Mazu ngaki chayingu, “Mpaka po zuŵa latutiya.”
Yapa pangafwatulikiya so kuti, “mumapiri ngamalumwa.”
Uwu ndi mpandu wo uwoneka nge kanyumba ndipu atiwugwiriskiya ntchitu pakupingapu ŵanthu akuzirwa.
Uwu ndi mpandu wo uwoneka nge kanyumba ndipu atiwugwiriskiya ntchitu pakupingapu ŵanthu akuzirwa.
Anyaki atividana kuti vingoma vachizungu, chifukwa chakuti nje zaki ziwoneka nge vingoma.
Mazu ngaki chayingu, “Mpaka po zuŵa latutiya.”
Pamwenga kuti, “Mapiri Ngakulereskana ndi Mapiri nga Lebanoni.”
Yapa pangafwatulikiya so kuti, “Khungu laku le.”
Pamwenga kuti, “nge munda.”
Deti lakununkhira.
Anyaki akamba kuti, “kumpotu.”
Pamwenga kuti, “Putiya kamanakamana.”
Yapa pangafwatulikiya so kuti, “Umoyu wangu ungutuwamu mwaku ini iyu wati walongoro.”
Pamwenga kuti, “salu yangu yakudika kumutu.”
Yapa pangafwatulikiya so kuti, “le nge vipasu va kantchindi.”
Yapa pangafwatulikiya so kuti, “Zaja mumulomu mwa kasupi.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Mazu ngaki chayingu, “Chavu chaki ntchakunowa.”
Pamwenga kuti, “Tawuni Yakukondwesa.”
Anyaki atividana kuti vingoma vachizungu, chifukwa chakuti nje zaki ziwoneka nge vingoma.
Anyaki akamba kuti, “Mbiliŵa.”
Mazu ngaki chayingu, “ngwakutowa.”
Pamwenga kuti, “vachita liwondwi.”
Pamwenga kuti, “akukhumbisiska.”
Pamwenga kuti, “nge guli wa Mahanayimu.”
Mazu ngaki chayingu, “sisi lakulukika la kumutu kwaku.”
Pamwenga kuti, “yamangika.”
Mazu ngaki chayingu, “chavu chaku chije.”
Pamwenga kuti, “zachita liwondwi.”
Anyaki atividana kuti vingoma vachizungu, chifukwa chakuti nje zaki ziwoneka nge vingoma.
Mandiraki ntchakume cha mugulu la mboholi cho chipasa vipasu
Anyaki atividana kuti vingoma vachizungu, chifukwa chakuti nje zaki ziwoneka nge vingoma.
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
“Ya” ndi mazu ngakudumuwa nga zina lakuti Yehova.
Yapa pangafwatulikiya so kuti, “Iyu wangayuyulika.”
Vimiti ivi viyananaku ndi vimiti va payina ndipu kali vasanirikanga ukongwa ku Lebanoni.
Mazu ngaki chayingu, “Masawuzandi.”