HABAKUKU
1 Uwu mbuthenga wacheruzgu wo mchimi Habakuku* wangulonde mu chiwona:
2 Yimwi Yehova, kumbi ndiliriyengi chovyu mpaka zuŵanji, kwambula yimwi kuvwa?+
Kumbi ndipemphengi chovyu mpaka zuŵanji kuti munditaski ku nkhaza, yimwi kwambula kuchitapu kanthu?+
3 Ntchifukwa wuli mutindilongo vinthu viheni?
Ndipu ntchifukwa wuli mulekere kukandirizgana?
Ntchifukwa wuli kusakaza ndipuso nkhaza ve pa masu pangu?
Ndipuso ntchifukwa wuli mphindanu ndi kulimbana ve peposi?
4 Mwaviyo dangu lamala nthazi,
Ndipu palivi yo wachita vinthu mwaurunji.
Pakuti ŵanthu aheni azingiliza ŵanthu arunji;
Ndichu chifukwa chaki abendezga cheruzgu.+
5 “Lereskani pakati pa mitundu ya ŵanthu ndipu vwisiyani!
Lereskani mwakuzizwa ndipu zukumani;
Pakuti mu mazuŵa nginu mwazamuchitika chinthu chinyaki,
Cho mwazakuchigomezga cha chinanga kuti mungaziŵisika.+
Wo upeya chigaŵa chikulu cha charu chapasi
Kuti uphangi nyumba zaŵeni.+
7 Yiwu mbakofya kweniso mbakuchitiska mantha.
Ajalikiska urunji wawu kweniso mazaza.*+
8 Mahachi ngawu ngatchimbiya ukongwa kuluska anyalubwi,
Ndipu ngakofya kuluska mphumphi ndi usiku.+
Mahachi ngawu ngankhondu ngahulukiya kunthazi;
Mahachi ngawu ngatuliya kutali.
Ngahuluka nge nombu yo yitchimbiriya kuchirya.+
9 Wosi mtima wawu we pakuchita nkhaza.+
10 Yiwu anyoza mafumu
Ndipu aseka nduna.+
Aseka malu ngengosi nga mpanda wakukho;+
Awunjika chimbumira cha dongu ndipu athereska malu ngo.
11 Pavuli paki, aluta panthazi nge mphepu ndi kujumphamu,
Kweni azamukuŵa ndi mulandu,+
Chifukwa akamba kuti nthazi zawu zituliya kwa achiuta ŵawu.”*+
12 Yimwi Yehova, asi muliku kutuwa ku muyaya?+
Yimwi Chiuta wangu, Mtuŵa wangu, mutufwa cha.*+
Yimwi Yehova, mukuŵasankha kuti apereki cheruzgu;
Nanga ntchifukwa wuli mulekere ŵanthu achinyengu+
Ndipuso mujapu ŵaka cheti asani munthu muheni wameza munthu murunji kuluska iyu?+
14 Ntchifukwa wuli muchitiska kuti munthu waje nge somba za munyanja,
Kweniso nge vinthu vakukwaŵa vo vilivi mulongozgi?
15 Vosi venivi, iyu* wativiguziya muchanya ndi mbeja.
Wativiko mumukwawu waki,
Ndipu wativiwunjika muchilepa chaki.
Ndichu chifukwa chaki wakondwa ukongwa.+
16 Ndichu chifukwa chaki wapereka sembi ku mukwawu waki
Ndipuso wapereka sembi ku chilepa chaki;
Pakuti ndivu vitimuwovya kusaniya chakurya chaki chakununa,
Ndipuso chakurya chaki chamampha.
17 Kumbi walutirizgengi kukhutuwa mukwawu waki?*
Kumbi walutirizgengi kubaya ŵanthu kwambula lisungu?+
Ndijengi masu kuti ndiwoni vo wakambengi kuziya mwaku ini
Kweniso vo ndazamumuka asani ndachenyeka.
2 Pavuli paki, Yehova wangundimuka kuti:
“Lemba chiwona, ndipu uchilembi mwakuwoneka umampha pamya yakusema,+
3 Pakuti chiwona chilindizga nyengu yaki yakuŵikika,
Chinanga kuti chingaswera,* lutirizga kuchilindizga!*
Pakuti chizengi kwambula kutondeka.+
Chiswerengi cha!
4 Wona munthu wakujikuzga;
Iyu ngwakunyoloka cha mumtima mwaki.
Kweni munthu murunji wazamukuŵa ndi umoyu chifukwa cha kugomezgeka kwaki.*+
5 Pakuti vinyu ngwakunyenga,
Munthu wakujiŵikamu wazamufiska cha vo wakhumba.
Iyu ngwanja nge Dindi;*
We nge nyifwa ndipu wangakhorwa cha.
Walutirizga kuwunganisa mitundu yosi ya ŵanthu
Ndipuso watijiwunjikiya mitundu yosi ya ŵanthu.+
6 Asi mitundu yosi ya ŵanthu yimukambiyengi nthanthi, mazu ngachipongu kweniso vindapi?+
Yiwu azamukamba kuti:
‘Soka munthu yo watijiwunjikiya vinthu vaŵeni
Ndipuso yo wasazgiyaku ngongoli zaki!
Kumbi wachitengi venivi mpaka zuŵanji?
7 Asi ŵanthu wo we nawu ndi ngongoli azamuyuka mwamabuchibuchi?
Yiwu azamuyuka ndi kukusukunyisa mwankhaza,
Ndipu wazamukuŵa chinthu chakuti aphangi.+
8 Chifukwa chakuti unguphanga vinthu mitundu yinandi ya ŵanthu,
Mitundu yosi ya ŵanthu yazakukuphanga vinthu,+
Chifukwa chakuti ungudira ndopa za ŵanthu
Kweniso unguchita nkhaza pacharu chapasi,
Kumatawuni ndipuso ku ŵanthu wo aja mwenimo.+
9 Soka ku munthu yo wasaniriya nyumba yaki phindu lachinyengu,
Kuti wazengi chizimbu chaki pachanya,
Kuti soka lileki kumusaniya!
10 Viŵembu vaku vilengesengi nyumba yaku.
Utijibudiya chifukwa cha kupulutuwa mitundu yinandi ya ŵanthu.+
11 Pakuti mwa wazamudaniriza kutuliya kuchimati,
Kweniso phasu lazamumuka kutuliya kuchanya kwa nyumba.
12 Soka munthu yo wadira ndopa pakuzenga tawuni,
Kweniso yo wachita vinthu vambula urunji pakujalikiska tawuni!
13 Awona! Asi Yehova wa mizinda ndiyu wachitiska ŵanthu kulimbikiya ntchitu kuti aryisi motu,
Ndipuso kuti mitundu ya ŵanthu yifyoke paŵaka?+
15 Soka munthu yo wapaska anyaki chakumwa kuti amwi,
Iyu wasazgaku kukwiya ndi ukali, kuti aloŵe,
Ndi chilatu chakuti waŵawoni ŵe nkhuli!
16 Wazamuchita soni ukongwa mumalu mwa kuŵa ndi unkhankhu.
Nawi yimwa ndipuso longo kuti ndiwi wambula kudumulika.*
Kapu yo ye kujanja lamaryi laku Yehova yizengi pafupi ndi yiwi,+
Ndipu soni zazamubenekere unkhankhu waku;
17 Pakuti nkhaza zo zinguchitikiya Lebanoni zazakukubenekere,
Ndipu kubwanganduwa ko kungutenthemesa vinyama kuzengi paku yiwi,
Chifukwa chakuti ungudira ndopa za ŵanthu
Kweniso unguchita nkhaza pacharu chapasi,
Kumatawuni ndipuso ku ŵanthu wo aja mwenimo.+
18 Kumbi chikozgu chakusema che ndi phindu wuli
Asani munthu yo wasema wachisema?
Kumbi chikozgu chachisulu* kweniso msambizi waboza ve ndi phindu wuli,
Chinanga kuti yo wakuchipanga watichigomezga,
Ndi kupanga achiuta ambula fundu wo alongoro cha?+
19 Soka ku munthu yo wakambiya chimiti kuti, “Yuka!”
Pamwenga yo wakambiya mwa wo ulongoro cha kuti, “Yuka! Tisambizi!”
20 Kweni Yehova we munyumba yaki yakusopiyamu yakupaturika.+
Jani cheti pa masu paki, yimwi mwaŵanthu mosi a pacharu chapasi!’”+
3 Pempheru laku Habakuku mchimi, la nge sumu yakumba pakuliya:
2 Yimwi Yehova, ndavwa uthenga wakukwaskana ndi yimwi.
Yimwi Yehova, ndachita mantha ndi ntchitu zinu.
Mukati mwa vyaka* muzifiski so!*
Mukati mwa vyaka* muziziŵikisi.
Kumbukani kulongo lisungu mu nyengu ya chimtimbaheka.+
Unkhankhu waki unguzaza kuchanya;+
Ŵanthu wosi pacharu chapasi angumuthamika.
4 Kuŵala kwaki kwenga nge msana.+
Malazi ngaki ngaŵi ngangung’anima mujanja laki,
Mo nthazi zaki zingubisika.
5 Panthazi paki payendanga mulili,+
Ndipu kufunda liŵavu kungulondo kuvuli kwaki.
Mapiri ngamuyaya ngangusweka,
Ndipu mitunthu yakali yingusindama.+
Nthowa zakali zaki.
7 Ndinguwona suzgu mumahema nga ku Kushani.
Salu za hema za charu cha Midiyani zingumbwambwanthiya.+
8 Yimwi Yehova kumbi mwayukiya misinji,
Kweniso ukali winu wakole chifukwa cha misinji?
Pamwenga kumbi mwafyiya mtima nyanja?+
9 Mwatuzga uta winu ndipu mwanozgeka kuponya.
Nthonga zapaskika* ntchitu mwakuchita kulapizga.* (Selah)
Mugaŵa charu mwakugwiriskiya ntchitu misinji.
10 Mapiri ngangukulunthuka ndi urwirwi yiwi uchiwona.+
Chivuwa chingupeya pacharu.
Ndimba za maji zingukoroma ndi mazu ngaki.+
Zingusoske manja ngaki muchanya.
11 Lumwi kweniso mwezi vinguma jo muchanya.+
Mivi yinu yingutuwa nge ukweru.+
Kung’anima kwa mikondu yinu kunguŵala ukongwa.
12 Munguguba pacharu chapasi ndi ukali.
Mungukandakanda mitundu ya ŵanthu mwakukwiya.
13 Munguluta kuti mukataski ŵanthu ŵinu, kuti mukataski wakusankhika winu.
Munguswa mulongozgi* wa nyumba ya muheni.
Nyumba yo yenga pakweru kwambiya mufawundeshoni mpaka muchanya.* (Selah)
14 Mungugwaza mutu wa vinkhara vaki ndi vidya vaki*
Vati vaputa nge chimphunga kuti vindimbininiski.
Yiwu angukondwa ukongwa kumeza mwachisisi munthu wakusuzgika.
15 Mungujumpha panyanja ndi mahachi nginu,
Mungujumpha pamaji ngamweza wanthazi.
Kuvunda kungusere muviwanga vangu;+
Malundi ngangu ngambwambwanthiyanga.
Kweni ndilindizga mwachisisi zuŵa la suzgu,+
Pakuti lipukwa ŵanthu wo atitiyukiya.
17 Chinanga kuti chimiti cha mkuyu chingaleka kuchita maluŵa,
Ndipuso vimiti va mphereska vingaŵavi vipasu;
Chinanga kuti vimiti va maolivi vingatondeka kupasa,
Kweniso muminda mungaŵavi chakurya;
Chinanga kuti mskambu ungamala mukhola,
Ndipuso mumakhola mungaŵavi ng’ombi;
18 Kweni ini ndazamusekere mbwenu mwaku Yehova;
Ndazamukondwa mwaku Chiuta wa utaski wangu.+
19 Yehova, Ambuya Fumu Yikulu ndi nthazi zangu;+
Wazamuchitiska kuti malundi ngangu ngaŵi nge nga mphoyu
Ndipuso wazamuchitiska kuti ndikandikandi pamalu ngapachanya.+
Ku wakulongozga sumu; yimbiki ndi vakumbiya vangu va vingwi.
Zina ili litenere kuti ling’anamuwa “Kuvumbatiya Mwachanju.”
Pamwenga kuti, “ulemu.”
Pamwenga kuti, “ko kutuliya lumwi.”
Yapa pangafwatulikiya so kuti, “nthazi zawu ndi chiuta wawu.”
Yapa pangafwatulikiya so kuti, “mwazamukufwa cha.”
Pamwenga kuti, “kuti achenyi.”
Kung’anamuwa, murwani yo ndi Mukadiya.
Yapa pangafwatulikiya so kuti, “kusolo lipanga laki.”
Pamwenga kuti, “waleki kugotagota.”
Pamwenga kuti, “kufiskika kwaki.”
Mazu ngaki chayingu, “chipusikengi cha.”
Pamwenga kuti, “Asani chiwoneka nge kuti chiswera.”
Pamwenga kuti, “kuchilindizga ndi mtima wosi!”
Yapa pangafwatulikiya so kuti, “chifukwa cha chivwanu chaki.”
Pamwenga kuti, “Shelo.” Mazu yanga ngang’anamuwa masanu nga ŵanthu wosi. Wonani Mazu ngo Ngakonkhoskeka.
Yapa pangafwatulikiya so kuti, “ndi kumbendyambendya.”
Pamwenga kuti, “chachisulu chakusongono.”
Yapa pangafwatulikiya so kuti, “Mu nyengu yidu.”
Mazu ngaki chayingu, “muziyuski!”
Yapa pangafwatulikiya so kuti, “Mu nyengu yidu.”
Wonani Mazu ngo Ngakonkhoskeka.
Pamwenga kuti, “ngangutaska.”
Yapa pangafwatulikiya so kuti, “mivi yapaskika.”
Yapa pangafwatulikiya so kuti, “Kulapizga kwa mafuku kwakambika.”
Mazu ngaki chayingu, “mutu.”
Mazu ngaki chayingu, “mukhosi.”
Mazu ngaki chayingu, “nthonga zaki.”
Mazu ngaki chayingu, “ndipu lufu langu lingunjekeme.”