Chikonkhombi Chakumaliya

BANJA nchinthu chakwamba kujalikiskika pacharu chapasi kweni mazuŵa nganu likumana ndi masuzgu nganandi. Pe vinthu viheni vinandi vo vichitika m’mabanja nge ureŵi, kumala kwa nthengwa, nkhaza za m’banja, ampupuka wo agwiriskiya nchitu munkhwala wakutimbanyizga wongu, mabanja nga mpapi yumoza kweniso masuzgu nganyaki ngakofya. Ivi vichitiska kuti ŵanthu anyaki awonengi kuti banja lingaja lalikondwa cha.

Kumbi vingachitika kuti banja lije lakukho kweniso malu ngamampha ngo weyosi wangajamu mwakuvikilirika? Hinya, vingachitika pijapija asani ŵanthu wosi m’banja, aziŵa chisisi cha banja lalikondwa. Chisisi chaki nchambula kusuzga. Ŵanthu aja achichigwiriskiya nchitu kwa vyaka vinandi ndipu chaŵawovya ukongwa. Kumbi chisisi chaki nchinthu wuli? Kwamuka kwa fumbu ili kusanirikengi m’buku lenili la Chisisi cha Banja Lalikondwa. Likonkhoska so vakuyeruzgiyapu vinandi va mo “chisisi” ichi chawovye mabanja nganandi kuti ngamalani ndi masuzgu ngakulu. Kumbi walipu yo wangakana ulongozgi uwu mazuŵa nganu?