Sambiru 16

Vyo Munthu Wangachita Kuti Wayambi Kuteŵete Chiuta

Kumbi mutenele kuchitanji kuti muŵi mubwezi waku Chiuta? (1, 2)

Kumbi mungajipatuliya wuli kwaku Chiuta? (1)

Kumbi mutenele kuchitanji mwechendabatiziki? (2)

Kumbi ndi vinthu wuli vyo vingakuwovyani kuti mulutiliyi kuŵa wakugomezgeka kwaku Chiuta? (3)

1. Kuti muŵi mubwezi waku Chiuta, mutenele kuziŵa uneneska wa mu Bayibolo (1 Timote 2:​3, 4), kugomezga vyo mwasambira (Ŵahebere 11:⁠6), kulapa mphulupulu zinu (Machitidu 17:​30, 31), ndi kung’anamuka mtima. (Machitidu 3:19) Pavuli paki, kwanja Chiuta kukupangiskeningi kuti mujipatuliyi kwaku yiyu. Kujipatuliya kung’anamuwa kumukambiya Chiuta mu rombu, kuti sonu mukhumba kujipereka kwaku yiyu kuchita khumbu laki.​—⁠Mateyu 16:24; 22:⁠37.

2. Asani mwajipatuliya kwaku Chiuta, mutenele kubatizika. (Mateyu 28:​19, 20) Ubatizu uziŵiska ŵanthu wosi kuti mwajipatuliya kwaku Yehova. Pa chifukwa ichi, wo angasankha ŵija kuteŵete Chiuta ndiwu atenele kubatizika. Pa ubatizu, liŵavu losi la munthu litenele kubizika mu maji kwa nyengu yimanavi.a​—⁠Marko 1:​9, 10; Machitidu 8:⁠36.

3. Yehova wakhumba kuti asani mwajipatuliya kwaku yiyu, jalidu linu likoliyanengi ndi phanganu linu. (Sumu 50:14; Wakutaula 5:​4, 5) Diabolo wayesesengi kukugongoweskani kuti muleki kuteŵete Yehova. (1 Petro 5:⁠8) Kweni mutenele kundele kwaku Chiuta mu rombu. (Ŵafilipi 4:​6, 7) Sambirani Mazu ngaki zuŵa lelosi. (Sumu 1:​1-3) Koliyanani ndi mpingu. (Ŵahebere 13:17) Kuchita vinthu ivi, kungakuwovyani kuti mulutiliyi kuŵa wakugomezgeka kwaku Chiuta. Mwaviyo, mukhoza kuchita vyo Chiuta wakhumba, sonu mpaka muyaya.

[Mazu nga m’mphata]