Kumbi Khumbu Laku Chiuta Ndakuti Wuli?

Chiuta wakhumba kuti tizije mwachimangu ndipuso mwalikondwa kwamuyaya mu paradayisu pacharu chapasi.

Panyaki mungajifumba kuti: ‘Kumbi venivi vingachitika nadi?’ Bayibolu likamba kuti, Ufumu waku Chiuta ndiwu uchitiskengi kuti ivi vichitiki, ndipu ndi khumbu laki kuti ŵanthu wosi asambiri vakukwaskana ndi Ufumu wenuwu ndipuso vo wakhumba kuzitichitiya.—Sumu 37:11, 29; Yesaya 9:7.

Chiuta wakhumba kuti tiyanduwi.

Nge po Ada achanju akhumbiya kuti ŵana ŵawu vinthu viŵayende umampha, awusefwi akuchanya akhumba kuti tizije ndi umoyu walikondwa kwamuyaya. (Yesaya 48:17, 18) Iyu wakulayizga kuti munthu yo ‘wachita khumbu laku Chiuta, wajaririyengi muyaya.’—1 Yohane 2:17.

Chiuta wakhumba kuti tiyendengi munthowa zaki.

Bayibolu likamba kuti Mulengi widu wakhumba kuti “watisambizi nthowa zaki” kuti ‘tiyendengi munthowa zaki.’ (Yesaya 2:2, 3) Iyu wanozga kuti ‘ŵanthu wo aziŵika ndi zina laki’ aziŵikiski khumbu laki pacharu chosi chapasi.—Machitidu 15:14.

Chiuta wakhumba kuti timusopengi mwakukoliyana.

M’malu mwakuti ŵanthu agaŵikani, kusopa kwauneneska kutiŵachitiska kuti ayanjanengi kutuliya pasi pa mtima. (Yohane 13:35) Kumbi mbayani wo asambiza ŵanthu mazuŵa nganu kuti ateŵetiyengi Chiuta mwakukoliyana? Titikupemphani kuti musaniyi kwamuka mu kabuku kenaka.

KUTI MUZIŴI VINANDI

Sambirani Bayibolu ndi Akaboni aku Yehova. Kumbi mwayambapu kusambira Bayibolu ndi Akaboni aku Yehova? Asani mwechendayambi, kumbi mungayanja kuti muyambi kusambira Bayibolu? Kusambira kwenuku nkhwawezi. Muwonengi kuti kusambira Bayibolu ndi nthowa yamampha ukongwa yo yingakuwovyani kuti mundere kufupi ndi Chiuta.

Danisani mabuku kwawezi. Mungadanisa buku lo lingakuwovyani kuti muliziŵi umampha Bayibolu mu chineneru chinu, mwakugwiriskiya ntchitu adiresi yakwenere yo ye kukumaliya kwa kabuku kenaka.

Sambirani vakukwaskana ndi Akaboni aku Yehova pa Intaneti. Lutani pa adiresi ya pa Intaneti ya Akaboni aku Yehova. Pa adiresi yeniyi, mungaŵerenga Bayibolu mu chineneru cho muziŵa ndi kusaniya pamwenga kusindikiza mabuku ngidu ngakupambanapambana mu vineneru vakujumpha 750.